الماتىدا ەرەكشە بالالارعا ارنالعان تۇزەتۋ ورتالىعىندا بولعان جانجالعا بايلانىستى ورتالىق قىزمەتكەرلەرىنىڭ ءبىرى ۇستالدى. اتا-انالاردىڭ ايتۋىنشا، مەكەمەدە بالالارعا قاتىگەزدىك كورسەتىلگەن، دەپ حابارلايدى Dalanews.kz.
Sputnik.kz مالىمەتىنشە، پوليسيا بۇل دەرەك بويىنشا قىلمىستىق ءىس قوزعاپ، كۇدىكتىنى ۇستاعان. ءقازىر ول ۋاقىتشا ۇستاۋ يزولياتورىنا قامالدى. قۇقىق قورعاۋ ورگاندارىنىڭ مالىمەتىنشە، تەرگەۋ امالدارى جالعاسىپ جاتىر جانە ءىس پوليسيا دەپارتامەنتى باسشىلىعىنىڭ ەرەكشە باقىلاۋىنا الىنعان.
ەسكە سالايىق، بۇعان دەيىن الماتىداعى ەرەكشە بالالارعا ارنالعان كوررەكسيالىق ورتالىقتا بولعان جاعداي قوعامدا قىزۋ تالقىعا تۇسكەن ەدى. الماتىلىق بلوگەر ورتالىقتا بالالارعا قاتىگەزدىك كورسەتىلگەنىن ايتىپ، الەۋمەتتىك جەلىدە بەينەجازبا جاريالاعان.
وسىدان كەيىن بالا قۇقىقتارى جونىندەگى ۋاكىل دينارا زاكييەۆا اتالعان جاعدايعا بايلانىستى تەكسەرىس باستالعانىن مالىمدەدى. كەيىن پوليسيا قىلمىستىق ءىس قوزعاپ، تەرگەۋ جۇمىستارىن باستاعان.
