Qyzylorda qalasynda iz-túzsiz joǵalyp, birneshe kún boiy izdeýde bolǵan 65 jastaǵy Ǵani Kósherbaevtyń máiiti tabyldy, dep habarlaidy dalanews.kz.
Er adam 29 qazan kúni úiinen shyǵyp ketkennen keiin qaita oralmaǵan. Sodan beri onyń qaida júrgeni belgisiz bolyp, jaqyndary men quqyq qorǵaý organdary izdeý jumystaryn júrgizgen. Qariiany tabý úshin politsiia qyzmetkerleri men izdestirý jumystaryna qatysqan mamandar jumyldyrylǵan. Aýqymdy izdeý sharalaryna qaramastan, er adamdy tiridei tabý múmkin bolmady.
Keiin joǵalǵan turǵynnyń máiiti Qyzylorda qalasynyń aýmaǵynan anyqtalǵan.
Buǵan deiin quqyq qorǵaý organdary taratqan aqparatta Ǵani Kósherbaevtyń dementsiia diagnozymen meditsinalyq esepte turǵany aitylǵan bolatyn.
Marqumnyń óliminiń mán-jaiyn anyqtaý maqsatynda tiisti sot-meditsinalyq saraptama júrgizilgen. Saraptama qorytyndysyna sáikes, er adamnyń denesinen zorlyq-zombylyq belgileri anyqtalmaǵan.
