قىزىلوردا قالاسىندا ٸز-تٷزسٸز جوعالىپ, بٸرنەشە كٷن بويى ٸزدەۋدە بولعان 65 جاستاعى عاني كٶشەرباەۆتىڭ مەيٸتٸ تابىلدى, دەپ حابارلايدى dalanews.kz.
ەر ادام 29 قازان كٷنٸ ٷيٸنەن شىعىپ كەتكەننەن كەيٸن قايتا ورالماعان. سودان بەرٸ ونىڭ قايدا جٷرگەنٸ بەلگٸسٸز بولىپ, جاقىندارى مەن قۇقىق قورعاۋ ورگاندارى ٸزدەۋ جۇمىستارىن جٷرگٸزگەن. قارييانى تابۋ ٷشٸن پوليتسييا قىزمەتكەرلەرٸ مەن ٸزدەستٸرۋ جۇمىستارىنا قاتىسقان ماماندار جۇمىلدىرىلعان. اۋقىمدى ٸزدەۋ شارالارىنا قاراماستان, ەر ادامدى تٸرٸدەي تابۋ مٷمكٸن بولمادى.
كەيٸن جوعالعان تۇرعىننىڭ مەيٸتٸ قىزىلوردا قالاسىنىڭ اۋماعىنان انىقتالعان.
بۇعان دەيٸن قۇقىق قورعاۋ ورگاندارى تاراتقان اقپاراتتا عاني كٶشەرباەۆتىڭ دەمەنتسييا دياگنوزىمەن مەديتسينالىق ەسەپتە تۇرعانى ايتىلعان بولاتىن.
مارقۇمنىڭ ٶلٸمٸنٸڭ مەن-جايىن انىقتاۋ ماقساتىندا تيٸستٸ سوت-مەديتسينالىق ساراپتاما جٷرگٸزٸلگەن. ساراپتاما قورىتىندىسىنا سەيكەس, ەر ادامنىڭ دەنەسٸنەن زورلىق-زومبىلىق بەلگٸلەرٸ انىقتالماعان.
