قازاقستاندا پەرزەنتحانا, بالالار اۋرۋحاناسى جەنە جەدەل جەردەم قىزمەتتەرٸنٸڭ 47 باسشىسى مەن ورىنباسارى اتتەستاتسييا كەزٸندە قاجەتتٸ ۇپاي جيناي الماعان. بۇل – تەست تاپسىرعانداردىڭ 20 پايىزى, دەپ حابارلايدى dalanews.kz.
تەستٸلەۋ 14 قازاندا باستالعان. 2 قاراشاعا دەيٸن 15 ٶڭٸردەن 235 ادام سىناق تاپسىرعان. بۇل اتتەستاتسييادان ٶتۋٸ تيٸس مامانداردىڭ 72,1 پايىزى. تەست تاپسىرعانداردىڭ 188-ٸ قاجەتتٸ ۇپاي جيناپ, سىناقتان ٶتكەن. ال 47 ادام بەلگٸلەنگەن مەجەگە جەتە الماعان. ولاردىڭ 25-ٸ – مەديتسينالىق ۇيىم باسشىسى, 22-سٸ – ورىنباسارى. تاعى 27 ادام تەستٸلەۋگە مٷلدە كەلمەگەن.
تەستٸلەۋدەن ٶتە الماعاندار اقمولا, ماڭعىستاۋ جەنە قوستاناي وبلىستارىندا كٶپ. وسى ٷش ٶڭٸردەگٸ كٶرسەتكٸش بارلىق تٶمەن نەتيجە كٶرسەتكەن قاتىسۋشىلاردىڭ 55,3 پايىزىنا تەڭ. ال استانا مەن پاۆلودار وبلىسىندا تەست تاپسىرعانداردىڭ بارلىعى قاجەتتٸ ۇپاي جيناعان.
قولدانىستاعى ەرەجەگە سەيكەس, تەستٸلەۋدەن ٶتە الماعان ماماندار كەلەسٸ كەزەڭگە, ياعني ەڭگٸمەلەسۋگە قاتىسا المايدى. ولار التى ايدان كەيٸن قايتا سىناق تاپسىرا الادى.
ايتا كەتەيٸك, اتتەستاتسييا تەك پەرزەنتحانا, بالالار اۋرۋحاناسى جەنە جەدەل جەردەم ستانتسييالارىنىڭ باسشىلارى مەن ولاردىڭ ورىنباسارلارىنا قاتىستى. تەستٸلەۋ 2026 جىلدىڭ جەلتوقسان ايىنىڭ سوڭىنا دەيٸن جالعاسادى. قازٸر جارييالانعان ساندار – العاشقى كەزەڭنٸڭ الدىن الا قورىتىندىسى.
