الماتى وبلىستىق بالالار كلينيكالىق اۋرۋحاناسىندا ماگنيت جۇتىپ قويعان تٶرت جەنە جەتٸ جاستاعى ەكٸ اعايىندىعا شۇعىل وتا جاسالدى. دەرٸگەرلەر بالالاردىڭ اعزاسىنان بارلىعى 32 ماگنيت الىپ شىققان. بۇل تۋرالى مەديتسينالىق مەكەمە حابارلادى, دەپ حابارلايدى dalanews.kz.
بالالار اۋرۋحاناعا ٸشٸ ٷزدٸكسٸز اۋىرىپ, مازاسىزدانعان سوڭ جەتكٸزٸلگەن. تەكسەرۋ كەزٸندە ولاردىڭ اسقازان-ٸشەك جولدارىنان بٸرنەشە ماگنيت انىقتالعان. دەرٸگەرلەر جاعدايدىڭ قاۋٸپتٸ ەكەنٸن ەسكەرٸپ, بالالاردى شۇعىل تٷردە اۋرۋحاناعا جاتقىزعان.
تٶرت جاستاعى بالانىڭ اسقازانى مەن اش ٸشەگٸنٸڭ ەرتٷرلٸ بٶلٸگٸنەن 29 ماگنيت تابىلعان. ونىڭ 15-ٸ اسقازانىنان, قالعان 14-ٸ اش ٸشەگٸنەن الىنعان. ماگنيتتەر بٸر-بٸرٸنەن الشاق ورنالاسقانىنا قاراماستان, بٸر-بٸرٸنە تارتىلىپ, ٸشەكتٸ قىسىپ تۇرعان.
وتا كەزٸندە حيرۋرگتەر بالانىڭ ٸشەگٸنەن مەككەل ديۆەرتيكۋلىن دا الىپ تاستاعان. بۇل – ٸشەكتەگٸ تۋابٸتتٸ قالتا تەرٸزدٸ ٶسٸندٸ.
ال جەتٸ جاستاعى بالانىڭ توق ٸشەگٸنەن بٸر-بٸرٸنە جابىسىپ قالعان ٷش ماگنيت تابىلعان. دەرٸگەرلەر لاپاروسكوپييالىق ەدٸسپەن وتا جاساپ, ماگنيتتەردٸ سوقىر ٸشەك تۇسىنا جىلجىتىپ, سول جەردەن الىپ شىققان. بۇل تەسٸل ٸشەكتٸ تٸكەلەي كەسپەي-اق بٶگدە زاتتاردى الۋعا مٷمكٸندٸك بەرەدٸ.
وبلىستىق بالالار كلينيكالىق اۋرۋحاناسىنىڭ حيرۋرگٸ اسقار قانازوۆتىڭ ايتۋىنشا, بالالار ماگنيتتەردٸ ٷيدە ويناپ جٷرٸپ ابايسىزدا جۇتىپ قويعان. اتا-اناسى دەر كەزٸندە جەدەل جەردەم شاقىرىپ, بالالاردى مەديتسينالىق مەكەمەگە جەتكٸزگەن.
دەرٸگەر بٸرنەشە ماگنيتتٸ جۇتىپ قويۋ بالانىڭ ٶمٸرٸنە قاۋٸپ تٶندٸرۋٸ مٷمكٸن ەكەنٸن ەسكەرتتٸ. سەبەبٸ ماگنيتتەر ٸشەكتٸڭ ەرتٷرلٸ بٶلٸگٸندە ورنالاسسا دا, بٸر-بٸرٸنە تارتىلىپ, ٸشەكتٸ قىسادى. سونىڭ سالدارىنان قان اينالىمى بۇزىلىپ, ٸشەك زاقىمدانۋى نەمەسە تٸپتٸ تەسٸلٸپ كەتۋٸ مٷمكٸن.
بالالار ماگنيت جۇتقاننان كەيٸن شامامەن بەس ساعات ٶتكەن سوڭ اۋرۋحاناعا تٷسكەن. حيرۋرگتٸڭ سٶزٸنشە, ولاردىڭ ۋاقىتىلى جەتكٸزٸلۋٸ مەن مەديتسينا ماماندارىنىڭ ٷيلەسٸمدٸ جۇمىسىنىڭ ارقاسىندا اۋىر اسقىنۋدىڭ الدىن العان.
وتادان كەيٸن ەكٸ بالا دا قايتا تەكسەرٸلٸپ, اعزالارىندا قوسىمشا ماگنيت جوق ەكەنٸ انىقتالعان. توعىز كٷن ەمدەلگەن سوڭ ولار ٷيلەرٸنە شىعارىلدى.
دەرٸگەرلەر اتا-انالارعا ماگنيتتٸ كونسترۋكتورلار مەن ۇساق ويىنشىق بٶلشەكتەرٸن بالالاردىڭ قولى جەتپەيتٸن جەردە ساقتاۋعا كەڭەس بەرەدٸ. سونداي-اق بالالاردىڭ قانداي ويىنشىقتارمەن وينايتىنىن باقىلاۋ قاجەتتٸگٸن ەسكەرتەدٸ.
مامانداردىڭ ايتۋىنشا, ماگنيت جۇتقان بالادا العاشقى كەزدە ەشقانداي بەلگٸ بولماۋى مٷمكٸن. كەيٸن ٸشتٸڭ اۋىرۋى, كەبۋٸ, جٷرەك اينۋ, قۇسۋ, تەبەتتٸڭ تٶمەندەۋٸ, مازاسىزدىق, دەنە قىزۋىنىڭ كٶتەرٸلۋٸ جەنە ٷلكەن دەرەتتٸڭ بۇزىلۋى بايقالۋى ىقتيمال.
دەرٸگەرلەر بالانىڭ ماگنيت جۇتقانىنا كٷدٸك بولسا, بەلگٸلەردٸڭ پايدا بولۋىن كٷتپەي, دەرەۋ مەديتسينالىق كٶمەككە جٷگٸنۋگە شاقىرادى.
