اتىراۋدا 13 جاستاعى قىزعا پىشاقپەن شابۋىل جاساپ, ونى ٶلتٸرمەك بولعان مەكتەپ وقۋشىسى 15 جىلعا باس بوستاندىعىنان ايىرىلدى, دەپ حابارلايدى dalanews.kz.
وقيعا 13 ناۋرىزدا بولعان. توعىزىنشى سىنىپ وقۋشىسى ساباققا ٶز اۋىسىمىنان تىس ۋاقىتتا كەلٸپ, كٷزەتشٸگە كٶزٸلدٸرٸگٸن ۇمىتىپ كەتكەنٸن ايتقان. مەكتەپ دەلٸزٸندە ول سەگٸزٸنشٸ سىنىپتا وقيتىن قىزعا شابۋىل جاساپ, بەس رەت پىشاق سۇققان. جارالانعان وقۋشى وبلىستىق بالالار اۋرۋحاناسىنا جەتكٸزٸلدٸ. دەرٸگەرلەر قىزدىڭ ٶمٸرٸن ساقتاپ قالدى.
اناسىنىڭ سٶزٸنشە, ۇلى ەكٸ جىل بويى سىنىپتاستارىنىڭ مازاعىنا قالعان. وقۋشىلار ونى سىرت كەلبەتٸنە بايلانىستى دا كەلەمەجدەگەن.
سوت وتىرىسىندا دا بۋللينگ مەسەلەسٸ كٶتەرٸلدٸ. جاسٶسپٸرٸمنٸڭ بۇعان دەيٸن مەكتەپ پسيحولوگىنا بارىپ, ٶزٸنە كٶرسەتٸلگەن قىسىمعا شاعىمدانعانى انىقتالدى. الايدا وعان قاتىستى فيزيكالىق زورلىق-زومبىلىق جاسالعانى تۋرالى مەلٸمەت راستالمادى.
سوت-پسيحياترييالىق ساراپتاما جاسٶسپٸرٸمدٸ اقىل-ەسٸ دۇرىس دەپ تانىدى. ساراپشىلاردىڭ قورىتىندىسى بويىنشا, ول ٶز ەرەكەتٸنٸڭ مەنٸن تٷسٸنگەن جەنە ونى باسقارا العان.
سوتتا شابۋىل اياق استىنان جاسالماعانى انىقتالدى. جاسٶسپٸرٸم قىلمىسقا بٸرنەشە كٷن بويى دايىندالعان. سونداي-اق شابۋىل جاساعان وقۋشى مەن زارداپ شەككەن قىزدىڭ بۇعان دەيٸن تانىس بولماعانى جەنە اراسىندا ەشقانداي جەكە جانجال بولماعانى بەلگٸلٸ بولدى. ٸس القابيلەردٸڭ قاتىسۋىمەن قارالدى.
زارەما حاميدۋللينا تٶراعالىق ەتكەن سوت جاسٶسپٸرٸمدٸ ادام ٶلتٸرۋگە وقتالعانى ٷشٸن كٸنەلٸ دەپ تانىپ, 15 جىلعا باس بوستاندىعىنان ايىردى. ول جازاسىن كەمەلەتكە تولماعاندارعا ارنالعان ورتاشا قاۋٸپسٸزدٸك مەكەمەسٸندە ٶتەيدٸ.
سوت ٷكٸمٸ ەزٸرگە زاڭدى كٷشٸنە ەنگەن جوق. وعان اپەللياتسييالىق شاعىم تٷسٸرۋگە بولادى.
