قازاقستاننىڭ قارجى ۇيىمدارى كيبەرقاۋٸپسٸزدٸك جاعدايىن باعالاۋ جەنە اقپاراتتىق قاۋٸپسٸزدٸك وقيعالارىنا ەرەكەت ەتۋ شارالارىن جىلىنا كەمٸندە بٸر رەت ٶتكٸزۋگە مٸندەتتەلەدٸ. بۇل تۋرالى قارجى نارىعىن رەتتەۋ جەنە دامىتۋ اگەنتتٸگٸنٸڭ باسپاسٶز قىزمەتٸ مەلٸمدەدٸ, دەپ حابارلايدى dalanews.kz.
اگەنتتٸك باسقارماسىنىڭ 2026 جىلعى 30 قازانداعى №151 قاۋلىسىمەن قارجى ۇيىمدارىنىڭ كيبەرقاۋٸپسٸزدٸگٸن باعالاۋ جەنە اقپاراتتىق قاۋٸپسٸزدٸك وقيعالارىنا دەن قويۋ تەرتٸبٸ بەكٸتٸلدٸ.
جاڭا ەرەجەلەرگە سەيكەس, باعالاۋ ٷش باعىت بويىنشا جٷرگٸزٸلەدٸ.
بٸرٸنشٸسٸ – قۇجاتتامالىق باعالاۋ. بۇل كەزەڭدە ۇيىمداردىڭ اقپاراتتىق قاۋٸپسٸزدٸكتٸ قامتاماسىز ەتۋگە ارنالعان ٸشكٸ قۇجاتتارى, جوسپارلارى مەن رەسٸمدەرٸ تەكسەرٸلەدٸ.
ەكٸنشٸسٸ – فۋنكتسيونالدىق باعالاۋ. مۇندا قىزمەتكەرلەر مەن بٶلٸمشەلەردٸڭ كيبەرينتسيدەنتتەرگە ەرەكەت ەتۋگە جەنە داعدارىس جاعدايىندا ٶزارا جۇمىس ٸستەۋگە دايىندىعى باعالانادى.
ٷشٸنشٸسٸ – تەحنيكالىق يميتاتسييالىق سىناقتار. ماماندار كيبەرقاۋٸپتەردٸ مودەلدەۋ ارقىلى ۇيىمنىڭ شابۋىلدى انىقتاۋ, وعان دەن قويۋ جەنە ماڭىزدى اقپاراتتىق رەسۋرستاردىڭ جۇمىسىن قالپىنا كەلتٸرۋ مٷمكٸندٸگٸن تەكسەرەدٸ.
اگەنتتٸك جاڭا تەسٸلدٸ سىناقتان ٶتكٸزۋ ٷشٸن ەكٸنشٸ دەڭگەيدەگٸ ٷش بانكتٸڭ قاتىسۋىمەن پيلوتتىق كيبەروقۋ-جاتتىعۋلار ٶتكٸزگەن.
2027 جىلى كيبەرقاۋٸپسٸزدٸكتٸ باعالاۋ شارالارىمەن قازاقستانداعى بارلىق ەكٸنشٸ دەڭگەيدەگٸ بانكتەردٸ قامتۋ جوسپارلانىپ وتىر.
