Qazaqstannyń qarjy uiymdary kiberqaýipsizdik jaǵdaiyn baǵalaý jáne aqparattyq qaýipsizdik oqiǵalaryna áreket etý sharalaryn jylyna keminde bir ret ótkizýge mindetteledi. Bul týraly Qarjy naryǵyn retteý jáne damytý agenttiginiń baspasóz qyzmeti málimdedi, dep habarlaidy dalanews.kz.
Agenttik basqarmasynyń 2026 jylǵy 30 qazandaǵy №151 qaýlysymen qarjy uiymdarynyń kiberqaýipsizdigin baǵalaý jáne aqparattyq qaýipsizdik oqiǵalaryna den qoiý tártibi bekitildi.
Jańa erejelerge sáikes, baǵalaý úsh baǵyt boiynsha júrgiziledi.
Birinshisi – qujattamalyq baǵalaý. Bul kezeńde uiymdardyń aqparattyq qaýipsizdikti qamtamasyz etýge arnalǵan ishki qujattary, josparlary men rásimderi tekseriledi.
Ekinshisi – fýnktsionaldyq baǵalaý. Munda qyzmetkerler men bólimshelerdiń kiberintsidentterge áreket etýge jáne daǵdarys jaǵdaiynda ózara jumys isteýge daiyndyǵy baǵalanady.
Úshinshisi – tehnikalyq imitatsiialyq synaqtar. Mamandar kiberqaýipterdi modeldeý arqyly uiymnyń shabýyldy anyqtaý, oǵan den qoiý jáne mańyzdy aqparattyq resýrstardyń jumysyn qalpyna keltirý múmkindigin tekseredi.
Agenttik jańa tásildi synaqtan ótkizý úshin ekinshi deńgeidegi úsh banktiń qatysýymen pilottyq kiberoqý-jattyǵýlar ótkizgen.
2027 jyly kiberqaýipsizdikti baǵalaý sharalarymen Qazaqstandaǵy barlyq ekinshi deńgeidegi bankterdi qamtý josparlanyp otyr.
