Aqtóbede shyqqan órt saldarynan bir otbasy baspanasyz qaldy. Qazir Timýr Mairýmbaev turǵan úiden tek kúigen qabyrǵalar qalǵan, ishi kúlge tolyp, esik-terezeleri zaqymdanǵan, dep habarlaidy Dalanews.kz Almaty.tv-ǵa siltep.
Qaiǵyly oqiǵa 28 aqpanda bolǵan. Aldyn ala málimetke sáikes órtke balalar bólmesinde qýattalyp turǵan paýerbanktiń jarylýy sebep bolýy múmkin. Týystarynyń aitýynsha, qurylǵy qatty dybys shyǵaryp, artynsha jalyn tutanǵan. Órt tez arada jihazǵa tarap, úi ishin qalyń tútin basqan.
Timýr bul úide eki uly jáne ákesimen birge turǵan. Onyń ákesi órtsóndirýshiler birneshe minýt ishinde jetkenin aitqanymen, baspanany saqtap qalý múmkin bolmaǵan.
Aqtóbe oblysy Tótenshe jaǵdailar departamenti málimetinshe, órt Aqtóbedegi "Arman" turǵyn úi alabyndaǵy bir qabatty jeke úidiń shatyrynan shyqqan. Tilsiz jaý saǵat 20:02-de oqshaýlanyp, 20:23-te tolyq sóndirilgen. Zardap shekkender joq.
