اقتوبەدە شىققان ءورت سالدارىنان ءبىر وتباسى باسپاناسىز قالدى. ءقازىر تيمۋر مايرۋمبايەۆ تۇرعان ۇيدەن تەك كۇيگەن قابىرعالار قالعان، ءىشى كۇلگە تولىپ، ەسىك-تەرەزەلەرى زاقىمدانعان، دەپ حابارلايدى Dalanews.kz Almaty.tv-عا سىلتەپ.

قايعىلى وقيعا 28 اقپاندا بولعان. الدىن الا مالىمەتكە سايكەس ورتكە بالالار بولمەسىندە قۋاتتالىپ تۇرعان پاۋەربانكتىڭ جارىلۋى سەبەپ بولۋى مۇمكىن. تۋىستارىنىڭ ايتۋىنشا، قۇرىلعى قاتتى دىبىس شىعارىپ، ارتىنشا جالىن تۇتانعان. ءورت تەز ارادا جيھازعا تاراپ، ءۇي ءىشىن قالىڭ ءتۇتىن باسقان.

تيمۋر بۇل ۇيدە ەكى ۇلى جانە اكەسىمەن بىرگە تۇرعان. ونىڭ اكەسى ورتسوندىرۋشىلەر بىرنەشە مينۋت ىشىندە جەتكەنىن ايتقانىمەن، باسپانانى ساقتاپ قالۋ مۇمكىن بولماعان.

اقتوبە وبلىسى توتەنشە جاعدايلار دەپارتامەنتى مالىمەتىنشە، ءورت اقتوبەدەگى "ارمان" تۇرعىن ءۇي الابىنداعى ءبىر قاباتتى جەكە ءۇيدىڭ شاتىرىنان شىققان. ءتىلسىز جاۋ ساعات 20:02-دە وقشاۋلانىپ، 20:23-تە تولىق سوندىرىلگەن. زارداپ شەككەندەر جوق.