Álemdik naryqta munai baǵasy kúrt qymbattap, Brent markasy 2024 jyldyń jazynan beri alǵash ret barreline $84-ke jaqyndady, dep habarlaidy Dala news.
Londondaǵy ICE Futures birjasynda Brent munaiynyń mamyr aiyndaǵy fiýchersteri Máskeý ýaqytymen 14:31-degi málimet boiynsha $6,14-ke nemese 7,9%-ǵa ósip, $83,88-ge jetti.
Al Niý-Iork taýar birjasyndaǵy (NYMEX) WTI markaly munaidyń sáýir aiyndaǵy fiýchersteri $5,26-ǵa nemese 7,38%-ǵa qymbattap, $76,49 boldy.
Sarapshylar mundai serpindi ósimdi geosaiasi táýekelderdiń kúsheiýimen jáne naryqtaǵy usynysqa qatysty alańdaýshylyqpen bailanystyrady. Baǵanyń qysqa merzimde 7–8%-ǵa kóterilýi energiia naryǵynda qubylmalylyqtyń artqanyn kórsetedi.
Munai baǵasynyń ósýi munai eksporttaýshy elderdiń kirisine oń áser etýi múmkin. Alaida bul janarmai baǵasy men infliatsiiaǵa qysym túsirý qaýpin de arttyrady.
