Semei qalasyndaǵy balalar oiyn-saýyq ortalyǵynda bolǵan órtke qatysty resmi aqparat jariialandy, dep habarlaidy Dala news.
Komitettiń málimetinshe, zardap shekken balalar joq. Eki bala Oblystyq balalar aýrýhanasyna jetkizilgenimen, tekserý nátijesinde olardyń jaǵdaiy qanaǵattanarlyq dep baǵalanyp, úilerine jiberilgen. Qazirgi ýaqytta balalardyń ómiri men densaýlyǵyna qaýip joq.
Oqiǵa ornynda Abai oblysy boiynsha bala quqyqtary jónindegi óńirlik ýákil jumys istep jatyr.
Órttiń sebepteri men mán-jaiyn quzyrly organdar anyqtaýda. Quzyrly mekemeler buqaralyq aqparat quraldary men áleýmettik jeli qoldanýshylaryn jalǵan aqparat taratpaýǵa shaqyrdy.
Tótenshe jaǵdailar ministrliginiń kúshterimen órt tolyqtai sóndirildi.
