سەمەي قالاسىنداعى بالالار ويىن-ساۋىق ورتالىعىندا بولعان ورتكە قاتىستى رەسمي اقپارات جاريالاندى، دەپ حابارلايدى Dala news.
كوميتەتتىڭ مالىمەتىنشە، زارداپ شەككەن بالالار جوق. ەكى بالا وبلىستىق بالالار اۋرۋحاناسىنا جەتكىزىلگەنىمەن، تەكسەرۋ ناتيجەسىندە ولاردىڭ جاعدايى قاناعاتتانارلىق دەپ باعالانىپ، ۇيلەرىنە جىبەرىلگەن. قازىرگى ۋاقىتتا بالالاردىڭ ءومىرى مەن دەنساۋلىعىنا ءقاۋىپ جوق.
وقيعا ورنىندا اباي وبلىسى بويىنشا بالا قۇقىقتارى جونىندەگى وڭىرلىك ۋاكىل جۇمىس ىستەپ جاتىر.
ءورتتىڭ سەبەپتەرى مەن ءمان-جايىن قۇزىرلى ورگاندار انىقتاۋدا. قۇزىرلى مەكەمەلەر بۇقارالىق اقپارات قۇرالدارى مەن الەۋمەتتىك جەلى قولدانۋشىلارىن جالعان اقپارات تاراتپاۋعا شاقىردى.
توتەنشە جاعدايلار مينيسترلىگىنىڭ كۇشتەرىمەن ءورت تولىقتاي ءسوندىرىلدى.
