Shymkentte HQKO basshylyǵy júrgizýshi kýáligin satqan, – dep habarlaıdy Dalanews.kz.

QMA málimetinshe, Shymkentte júrgizýshi kýálikterin júıeli túrde zańsyz berýmen aınalysqan uıymdasqan qylmystyq top anyqtalǵan.

Tergeý barysynda 2023–2024 jyldar aralyǵynda "Azamattarǵa arnalǵan úkimet" memlekettik korporasıasynyń №2 mamandandyrylǵan halyqqa qyzmet kórsetý ortalyǵynyń basshylyǵy J.R. Mýrashımov pen birge birqatar laýazymdy tulǵa júrgizýshi kýáligin teorıalyq jáne praktıkalyq emtıhandardan ótpeı-aq zańsyz alý shemasyn uıymdastyrǵany áshkerelengen.

"Bul "qyzmet" úshin azamattardan 150 myńnan 400 myń teńgege deıin aqsha alǵan. Nátıjesinde 500-den asa adam zańsyz jolmen júrgizýshi kýáligin alǵan. Tergeý aıasynda kúdiktilerdiń 200 mln teńgeden asa somaǵa baǵalanǵan múlkine, 2 jeke úı, 2 páter, 2 jer telimi jáne 10 kólikke tárkileý maqsatynda tyıym salyndy", - dep jazylǵan habarlamada.

Sot sanksıasymen 12 kúdiktige qatysty qamaýǵa alý túrindegi bultartpaý sharasy qoldanyldy.

Qylmystyq is boıynsha sotaldy tergeý jalǵasyp jatyr.

Aıta keteıik, Shymkentte keıingi jyldary jol apaty jıilegen. 2022 jyly mundaı oqıǵalar sany 398 bolsa, 2024 jyly 878-ge deıin jetken.