Qazaqstanda Baqylauda arnaiy tsifrly servisin engizýge bailanysty jumys jalǵasyp keledi. Atalǵan platforma onlain rejimde memlekettik qoldaý túrlerin tolyq kórýge múmkindik beredi. Vedomstvo memlekettik qoldaý túrlerin jedel qadaǵalaý úshin olardyń barlyǵyn (búginde olardyń júzden astam túri bara) biriktirdi: memlekettik qarajat naqty qaida jumsalyp jatyr jáne onyń nátijesi qandai? Bul tásil memleketten bólinetin qarajattyń tiimdiligin arttyrýy tiis,- dep habarlaidy Dalanews.kz
QR Qarjy ministrligi Baqylauda servisin Qoldau.kz tsifrly platformasynda ornalastyrdy. Búginde júiege keiingi 10 jyldaǵy memlekettik qoldaý sharalary týraly derekter júktelip jatyr. Osy jumys aiaqtalǵan boida arnaiy taldaý memlekettik qoldaý quraldarynyń tiimdi nemese tiimsiz ekenin kórsetedi. Atalǵan júieniń kómegimen jeńildikterdiń, sýbsidiialardyń nemese basqa da quraldardyń tiimdiligin, olardy jekelegen salalar boiynsha, operatorlar jáne belgili bir qoldaý alýshy kásiporyn deńgeiine deiin «masshtabtaý» arqyly tekserip, baǵalaýǵa bolady.
Keiingi eki jyldaǵy málimetter áli júktelmegenine qaramastan qazir júiede ózekti analitikalyq málimetter bar. Máselen, 9 jyldyń ishinde (2015 jyldan 2023 jylǵa deiin) memlekettik qoldaý kólemi 9,94 trln teńge mólsherinde bolǵan. Osy rette biýdjettegi aitarlyqtai shyǵyn «kovid» kezeńinde «Jumyspen qamtý jol kartasy» jobasyna bólingen kezde baiqalǵan, shyǵyn mólsheri shamamen – 973 mlrd teńge. Ekinshi orynda agrarlyq sektorǵa arnalǵan tehnika men jabdyqtardy jeńildetilgen lizingpen alýǵa arnalǵan shyǵyndar tur – 920 mlrd teńge. Úshinshi oryndy aýyl sharýashylyǵy salasy túiindep tur – asyl tuqymdy mal sharýashylyǵyn damytýǵa 675 mlrd teńgeden astam qarajat jumsaldy. Sol sekildi aýyl sharýashylyǵyna qatysty taǵy bir baǵdarlama – «Keń Dala» boiynsha 650 mlrd teńge jumsalǵan.
«Kóptegen kompaniia, ásirese agrarlyq salada túrli memlekettik baǵdarlamalar men qoldaý sharalaryn alyp, paidalanady nemese san alýan operatorlar men túrli ministrlikter arqyly qoldaýǵa ie bolady. Búgingi kúnge deiin biryńǵai baza bolǵan joq. Sondyqtan da bul shyǵystardyń tiimdiligin baǵalaý qiynǵa soqty. Endi memleket muny anyq baiqaityn bolady. Aitalyq, salyq boiynsha, ónimdilik jaǵynan, sondai-aq jumys oryndaryn ashý syndy kórsetkishter boiynsha ósimi joq, biraq jylma-jyl ondaǵan mln teńge alatyn kompaniiaǵa qoldaý kórsetý qanshalyqty durys?!», dedi Qarjy vitse-ministri Áset Turysov.
Onyń aitýynsha, Baqylauda elektrondy servisi – birinshi deńgeili júie. Ol kásipkerdi tekserip, onyń belgilengen kriteriilerge sáikestigin baǵalaidy. Qazir onda tórt negizgi stop-faktor jumys istep tur: terrorizmdi qarjylandyrýǵa bailanysty adamdardyń tizimde bar-joqtyǵy, jalǵan kásipkerlik belgileriniń bolmaýy, bankrottyq faktileri, sondai-aq buryn alynǵan memlekettik qoldaý sharalary boiynsha oryndalmaǵan mindettemeler. Mundai faktorlar bolǵan jaǵdaida – júie bul aqparatty kórsetiletin qyzmetti berýshige, iaǵni memlekettik organǵa nemese operatorǵa kórsetedi. Mysaly, Aýyl sharýashylyǵy ministrligi nemese Azyq-túlik korporatsiiasyna. Óz kezeginde qyzmet kórsetýshi biznesti maquldaý týraly nemese memlekettik qoldaýdan bas tartý týraly sheshimdi derbes qabyldaidy.
«Álbette, mysaly aýyl sharýashylyǵynda kóp nárse aýa-raiyna, naryqtaǵy qubylmalyqqa bailanysty ekenin jaqsy túsinemiz. Biraq baǵalaý bir jylda emes, birneshe jyldan keiin júrgiziledi. Sonymen qatar júie ekonomika salalarynyń kórsetkishterin baǵalap, tutastai eskerip nátije shyǵarady», dep túsindirdi Áset Nurlanuly.
Memlekettik qoldaý sharalaryn paidalaný men olardy alatyn tulǵalarǵa monitoring jasaityn Baqylauda servisi QR Prezidentiniń «Ekonomikany yryqtandyrý jónindegi sharalar týraly» 2024 jyldyń 8 mamyrdaǵy №542 Jarlyǵyn oryndaý úshin kásipkerlikke memlekettik qoldaý sharalaryna ashyq jáne teń qoljetimdilikti qamtamasyz etý jáne bazalyq ólshemderge sáikes memlekettik qoldaý sharalaryn alýshylardy irikteý rásimin avtomattandyrý úshin iske asyryldy.
Osy jobany Qarjy ministrligine qarasty «Aqparattyq-esepke alý ortalyǵy» AQ-nyń mamandary ázirlep shyqqan.
