Reuters taratqan málimetke súiensek, AQSh pen Iran arasyndaǵy qaqtyǵysty toqtatý jónindegi kelisimge qol jetkizýge az ǵana ýaqyt qalǵan. Taraptar Parsy shyǵanaǵyndaǵy shielenisti báseńdetý úshin arnaiy memorandýmǵa qol qoiýdy josparlap otyr, dep habarlaidy dalanews.kz.
Aqparatqa sáikes, qujat 14 tarmaqtan turady. Kelisimdi ázirleýge AQSh tarapynan Stiv Vitkoff pen Djared Kýshner qatysqan. Kelisim sharttaryna sai, Iran iadrolyq baǵdarlamasyn, onyń ishinde ýran baiytýdy toqtatýǵa mindettenedi. Al AQSh óz kezeginde sanktsiialardy jeńildetip, buǵattalǵan qarjyny qaitarýy tiis. Sonymen qatar, eki el Ormuz buǵazy arqyly kemelerdiń erkin qozǵalysyn qamtamasyz etýge ýaǵdalasqan.
AQSh prezidenti Donald Tramp buǵan deiin bastalǵan "Bostandyq jobasy" atty áskeri operatsiiany ýaqytsha toqtatqanyn málimdedi. Ol bul sheshimdi kelissózderdegi ilgerileýmen bailanystyrdy jáne áleýmettik jelide kelisimge qol qoiý úshin qysqa merzimdi úziliske keliskenin jazdy.
Aita keteiik, Iran aqpan aiynan beri Ormuz buǵazyn jaýyp, aimaqtaǵy jaǵdaidy ýshyqtyrǵan edi. AQSh-tyń áskeri áreketteri nátije bermei, kerisinshe shielenis kúsheigen. Endi aldaǵy 30 kún ishinde taraptar naqty kelisimge kelýi tiis. Eger kelissózder nátije bermese, AQSh qaitadan blokada sharalaryn qolǵa alýy múmkin.
Irannyń Syrtqy ister ministri Abbas Arakchi eliniń ádil kelisimge múddeli ekenin aityp, kórshi memlekettermen, sonyń ishinde Saýd Arabiiasymen de dialog júrgizip jatqanyn jetkizdi.
