Qazaqstanda ulttyq taýarlar katalogynda 24 mln-ǵa jýyq taýar tirkelgen, dep habarlaidy Dala News.
Bul týraly QR Saýda jáne integratsiia vitse-ministri Áset Núsipov málimdedi. Onyń aitýynsha, onyń ishinde 11 mln-nan astamy taýarlar, jumystar men qyzmetterdiń biryńǵai klassifikatory boiynsha jiktelgen.
«Kúnine shamamen 100 myń jańa taýar qosylady. Júiede barlyǵy 41 myńnan astam saýda sýbektisi tirkelgen. Biz jalpy baqylaý men bizneske arnalǵan yńǵailylyq arasyndaǵy teńgerimdi saqtaýǵa tyrysamyz jáne júieni bizneske kedergi keltirmeitindei etip tsifrlandyryp jatyrmyz», – dedi ol.
Vitse-ministrdiń aitýynsha, júie kezeń-kezeńimen engizilip jatyr. Taýardyń tsifrlyq pasporty kompaniialardyń jumysyn toqtatpai, birtindep engiziledi. Sonymen qatar NTIN nómiri berilmegen jaǵdaida ýaqytsha XTIN qoldaný tetigi qarastyrylǵan.
Sondai-aq tirkeý talaptary jeńildetilip, bizneske qolaily jaǵdai jasaýǵa basymdyq berilgen.
Núsipovtyń aitýynsha, Qarjy ministrligi men «Atameken» ulttyq kásipkerler palatasymen memorandýmǵa qol qoiylǵan. Oǵan sáikes, importtaýshylar men otandyq óndirýshiler úshin merzim 1 naýryzǵa deiin, saýda jelileri úshin 1 sáýirge deiin belgilengen. Al shaǵyn bizneske 1 shildege deiin ýaqyt berilgen.
Jospar boiynsha, biyl júie tolyq ónerkásiptik paidalanýǵa berilmek.
