BQO-da sot sarapshysy jalǵan qorytyndy úshin jazalandy

Oral qalalyq soty Batys Qazaqstan oblysy boiynsha Sot saraptamalary institýtynyń sarapshysy M. Jonysovqa qatysty aiyptaý úkimin jariialady, dep habarlaidy dalanews.kz.

Ol óz qorytyndysynda dene jaraqattarynyń joqtyǵyn jáne máiittiń shirý ózgeristerine bailanysty ólim sebebin anyqtaý múmkin emestigin kórsetken. Alaida, eksgýmatsiiadan keiin Astana qalasynyń sot-meditsinalyq saraptama mamandary júrgizgen komissiialyq sot-meditsinalyq saraptama nátijesinde tiri kezinde keltirilgen kóptegen dene jaraqattary, onyń ishinde qabyrǵalardyń jáne til asty súieginiń synýy anyqtalǵan.

Kinásin moiyndamaǵanyna qaramastan, memlekettik aiyptaýshy sotta aiyptyń dáleldi ári bultartpas aiǵaqtaryn usyndy.

Nátijesinde, sot bastapqy saraptamalyq qorytyndynyń naqty derekterge sáikes kelmegenin jáne sotqa deiingi tergep-tekserý organdaryn jańylystyrǵanyn anyqtady.

Sot ony Qazaqstan Respýblikasy Qylmystyq kodeksiniń 420-baby 1-bóligi (sarapshynyń kórineý jalǵan qorytyndy berýi) boiynsha kináli dep tanyp, 3 jyl 2 ai 12 kún merzimge bas bostandyǵyn shekteý jazasyn taǵaiyndady.

Úkim zańdy kúshine engen joq.