Qazaqstan qor bırjasynda (KASE) 2025 jylǵy 29 sáýirde saǵat 15:30-da shetel valútalary boıynsha kúndizgi saýda-sattyq toqtatyldy. Onyń qorytyndysy boıynsha 1 AQSH dollarynyń ortasha baǵamy 512,32 teńgeni qurap, bir táýlikte 1,18 teńgege taǵy arzandady, dep habarlaıdy Dalanews.kz.
QR Ulttyq Banktiń 29 sáýirge bekitken 1 AQSH dollarynyń resmı baǵamy 513,68 teńge bolǵan edi.
Kurs.kz málimetteri boıynsha, elimizdegi aqsha aıyrbastaý oryndarynda búginderi 1 AQSH dollary 511,5-513,9 teńge, 1 evro 583,5-587,5 teńge aralyǵynda satylyp-satyp alynyp jatyr
Munaıdyń álemdik naryqtaǵy baǵasy búgin taǵy azdap tómendedi.
- ICE Futures elektrondyq saýda bırjasynda Brent markaly munaıdyń maýsym fúchersteriniń quny 1,19%-ǵa arzandap, 1 barreli 65 dollardy qurady.
- NYMEX elektrondy saýda bırjasynda WTI markaly munaıdyń maýsym fúchersteriniń quny 0,86%-ǵa arzandap, 1 barreli 61,13 dollar boldy.
Buǵan deıin saıtymyzda Freedom Broker-degi tehnıkalyq aqaýlyq KASE-degi saýda-sattyq kóleminiń kúrt qysqarýyna áser etýi múmkin ekenin jazǵanbyz. Sondaı-aq saıtymyzda "Teńge baǵamy nyǵaıyp jatyr. Nege?" degen maqala jarıalanǵan bolatyn. "Dollar endi burynǵydaı bolmaıdy, evroǵa úırene berińizder - belgili ekonomıs" degen maqalany da bizden oqı otyryńyzdar.
