قازاقستان قور بيرجاسىندا (KASE) 2025 جىلعى 29 سەۋٸردە ساعات 15:30-دا شەتەل ۆاليۋتالارى بويىنشا كٷندٸزگٸ ساۋدا-ساتتىق توقتاتىلدى. ونىڭ قورىتىندىسى بويىنشا 1 اقش دوللارىنىڭ ورتاشا باعامى 512,32 تەڭگەنٸ قۇراپ, بٸر تەۋلٸكتە 1,18 تەڭگەگە تاعى ارزاندادى, دەپ حابارلايدى Dalanews.kz.
قر ۇلتتىق بانكتٸڭ 29 سەۋٸرگە بەكٸتكەن 1 اقش دوللارىنىڭ رەسمي باعامى 513,68 تەڭگە بولعان ەدٸ.
Kurs.kz مەلٸمەتتەرٸ بويىنشا, ەلٸمٸزدەگٸ اقشا ايىرباستاۋ ورىندارىندا بٷگٸندەرٸ 1 اقش دوللارى 511,5-513,9 تەڭگە, 1 ەۆرو 583,5-587,5 تەڭگە ارالىعىندا ساتىلىپ-ساتىپ الىنىپ جاتىر
مۇنايدىڭ ەلەمدٸك نارىقتاعى باعاسى بٷگٸن تاعى ازداپ تٶمەندەدٸ.
- ICE Futures ەلەكتروندىق ساۋدا بيرجاسىندا Brent ماركالى مۇنايدىڭ ماۋسىم فيۋچەرستەرٸنٸڭ قۇنى 1,19%-عا ارزانداپ, 1 باررەلٸ 65 دوللاردى قۇرادى.
- NYMEX ەلەكتروندى ساۋدا بيرجاسىندا WTI ماركالى مۇنايدىڭ ماۋسىم فيۋچەرستەرٸنٸڭ قۇنى 0,86%-عا ارزانداپ, 1 باررەلٸ 61,13 دوللار بولدى.
بۇعان دەيٸن سايتىمىزدا Freedom Broker-دەگٸ تەحنيكالىق اقاۋلىق KASE-دەگٸ ساۋدا-ساتتىق كٶلەمٸنٸڭ كٷرت قىسقارۋىنا ەسەر ەتۋٸ مٷمكٸن ەكەنٸن جازعانبىز. سونداي-اق سايتىمىزدا "تەڭگە باعامى نىعايىپ جاتىر. نەگە?" دەگەن ماقالا جارييالانعان بولاتىن. "دوللار ەندٸ بۇرىنعىداي بولمايدى, ەۆروعا ٷيرەنە بەرٸڭٸزدەر - بەلگٸلٸ ەكونوميست" دەگەن ماقالانى دا بٸزدەن وقي وتىرىڭىزدار.
