8 qyrkúiekte Memleket basshysy Qasym-Jomart Toqaev Qazaqstan halqyna kezekti Joldaýyn jasady. Bul Joldaý – jai ǵana qujat emes, eldiń aldaǵy damý baǵytyn aiqyndap bergen úlken baǵdarsham ispetti. Onda árbir azamattyń ómirine áser etetin mańyzdy máseleler qozǵaldy: tsifrlandyrý, jasandy intellekt, bilim men ǵylym, ekonomikany ártaraptandyrý, jańa saiasi júie. Búgin osy mańyzdy qujatty talqylaý maqsatynda «Respublica» partiiasynyń Túrkistan oblystyq filialynda jiyn ótti,- dep habarlaidy Dalanews.kz
Kezdesýge Óńirlik keńes músheleri, máslihat depýtattary, Shardara, Kentaý, Saýran, Túrkistan qalalaryndaǵy bastaýysh partiia uiymdarynyń tóraǵalary jáne óńirdegi belsendi kásipkerler qatysty.
Jinalys barysynda qatysýshylar Joldaýdyń mán-mańyzyna toqtalyp, ár salaǵa qatysty oi-pikirlerimen bólisti. Barlyǵynyń ortaq ustanymy – Joldaýda júktelgen mindetterdi birlese atqaryp, elimizdiń órkendeýine úles qosý.
Prezident atap ótken basym baǵyttar erekshe qoldaý tapty:
- Jasandy intellekt pen tsifrlyq memleket qurý – jastarǵa jańa múmkindikter ashyp, eldi tehnologiialyq turǵydan alǵa jeteleidi.
- Bir palataly Parlamentke kóshý – saiasi júieni yqshamdap, partiialardyń jaýapkershiligin arttyrady.
- Ekonomikany ártaraptandyrý men investitsiia tartý – jańa jumys oryndaryn ashyp, halyqtyń turmysyn jaqsartady.
Bul mindetterdi oryndaý – tek Úkimettiń ǵana emes, búkil qoǵamnyń, árbir partiianyń, árbir azamattyń ortaq jaýapkershiligi.
