8 قىركۇيەكتە مەملەكەت باسشىسى قاسىم-جومارت توقايەۆ قازاقستان حالقىنا كەزەكتى جولداۋىن جاسادى. بۇل جولداۋ – جاي عانا قۇجات ەمەس، ەلدىڭ الداعى دامۋ باعىتىن ايقىنداپ بەرگەن ۇلكەن باعدارشام ىسپەتتى. وندا ءاربىر ازاماتتىڭ ومىرىنە اسەر ەتەتىن ماڭىزدى ماسەلەلەر قوزعالدى: سيفرلاندىرۋ، جاساندى ينتەللەكت، ءبىلىم مەن عىلىم، ەكونوميكانى ءارتاراپتاندىرۋ، جاڭا ساياسي جۇيە. بۇگىن وسى ماڭىزدى قۇجاتتى تالقىلاۋ ماقساتىندا «Respublica» پارتياسىنىڭ تۇركىستان وبلىستىق فيليالىندا جيىن ءوتتى،- دەپ حابارلايدى Dalanews.kz
كەزدەسۋگە وڭىرلىك كەڭەس مۇشەلەرى، ءماسليحات دەپۋتاتتارى، شاردارا، كەنتاۋ، ساۋران، تۇركىستان قالالارىنداعى باستاۋىش پارتيا ۇيىمدارىنىڭ ءتوراعالارى جانە وڭىردەگى بەلسەندى كاسىپكەرلەر قاتىستى.
جينالىس بارىسىندا قاتىسۋشىلار جولداۋدىڭ ءمان-ماڭىزىنا توقتالىپ، ءار سالاعا قاتىستى وي-پىكىرلەرىمەن ءبولىستى. بارلىعىنىڭ ورتاق ۇستانىمى – جولداۋدا جۇكتەلگەن مىندەتتەردى بىرلەسە اتقارىپ، ەلىمىزدىڭ وركەندەۋىنە ۇلەس قوسۋ.
پرەزيدەنت اتاپ وتكەن باسىم باعىتتار ەرەكشە قولداۋ تاپتى:
- جاساندى ينتەللەكت پەن سيفرلىق مەملەكەت قۇرۋ – جاستارعا جاڭا مۇمكىندىكتەر اشىپ، ەلدى تەحنولوگيالىق تۇرعىدان العا جەتەلەيدى.
- ءبىر پالاتالى پارلامەنتكە كوشۋ – ساياسي جۇيەنى ىقشامداپ، پارتيالاردىڭ جاۋاپكەرشىلىگىن ارتتىرادى.
- ەكونوميكانى ءارتاراپتاندىرۋ مەن ينۆەستيسيا تارتۋ – جاڭا جۇمىس ورىندارىن اشىپ، حالىقتىڭ تۇرمىسىن جاقسارتادى.
بۇل مىندەتتەردى ورىنداۋ – تەك ۇكىمەتتىڭ عانا ەمەس، بۇكىل قوعامنىڭ، ءاربىر پارتيانىڭ، ءاربىر ازاماتتىڭ ورتاق جاۋاپكەرشىلىگى.
