اتىراۋدا تٶرت ادامنىڭ ٶلٸمٸنە قاتىستى ايىپ تاعىلعان سۇلتان سەرسەمەليەۆتٸڭ سوتى جالعاسىپ جاتىر, دەپ dalanews.kz تٸلشٸسٸ kznews.kz سايتىنا سٸلتەمە جاساپ حابارلايدى.
سەرسەمەليەۆتٸڭ ايتۋىنشا, بالالارىنا ونىڭ اناسى قاراعان. ال 2025 جىلدىڭ قىركٷيەگٸندە جۇبايى اقبايان مۇقانعاليەۆاعا بٸرٸنشٸ توپ مٷگەدەكتٸگٸ بار دەگەن انىقتاما بەرٸلگەن. كەيٸن ونى ەرەكەتكە قابٸلەتسٸز دەپ تانۋ تۋرالى شەشٸمدٸ كٷتۋ كەرەك بولعان.
ايىپتالۋشى وسى ارالىقتا ٷش جاسار قىزى مەن ەيەلٸن ەرتٸپ, قايىن جۇرتى تۇراتىن جانگەلدين اۋىلىنا بارماق بولعانىن ايتتى. ونىڭ سٶزٸنشە, ول اقباياننىڭ تۋىستارىمەن سٶيلەسٸپ, جاعدايدى تٷسٸندٸرگٸسٸ كەلگەن.
"كٶزقاراستارى ٶزگەرگەن شىعار دەپ ويلادىم. بارعان سوڭ سٶيلەسەمٸن دەدٸم. ەگەر بەرٸ جاقسى بولسا, اقبايانعا قامقورشى رەتٸندە سول كٸسٸلەردٸ تاعايىنداۋعا بولادى دەپ ويلادىم. ەشتەڭە جوسپارلاپ بارعان جوقپىن. جانىمدا ٷش جاسار قىزىم بولدى. تەك ولاردىڭ ويىن بٸلگٸم كەلدٸ", – دەدٸ سەرسەمەليەۆ سوتتا.
ونىڭ ايتۋىنشا, بۇل جاعداي 3 قاراشا كٷنٸ بولعان. ايىپتالۋشى ٷيگە كٸرگەن سەتتە قايىن جۇرتى ونى جاقتىرماي قارسى العانىن جەتكٸزدٸ.
"ٷيدەگٸلەر نەگە كەلگەنٸمدٸ سۇرادى. ەسٸكتەن كٸرگەن بويدا اۋىر سٶزدەر ايتتى. اقبايان دەمالسىن, ەرتەڭ سٶيلەسەيٸك دەدٸم دە, ۇيىقتاپ قالدىم", – دەدٸ ول.
سەرسەمەليەۆتٸڭ سٶزٸنشە, كەلەسٸ كٷنٸ تاڭەرتەڭ ونى ەيەلٸنٸڭ ەكەسٸ وياتىپ, قالعان بالالاردى دا الىپ كەلۋدٸ تالاپ ەتكەن.
"تاڭەرتەڭ اياعىمنان تەۋٸپ وياتتى. قالعان بالالار قايدا, ولاردى الىپ كەل دەدٸ. اقبايان وسى ٷيدە قالادى دەدٸ. سول كەزدە بەكەر كەلگەنٸمدٸ تٷسٸنگەندەي بولدىم", – دەدٸ ايىپتالۋشى.
ول قامقورشىلىق پەن مٷگەدەكتٸككە قاتىستى مەسەلەنٸ تٷسٸندٸرٸپ ٷلگەرمەگەنٸن ايتتى. ايىپتالۋشىنىڭ سٶزٸنشە, قايىن جۇرتى باسقا بالالاردى دا ەكەلۋدٸ تالاپ ەتٸپ, ەگەر بۇل تالاپ ورىندالماسا, ونىڭ ٷيٸنە بارىپ جانجال شىعاراتىنىن ايتقان.
سەرسەمەليەۆ سوتتا سول جاعداي ٶزٸنە پسيحولوگييالىق تۇرعىدان اۋىر تيگەنٸن جەتكٸزدٸ. سونىمەن قاتار ول ەلگە جەتكٸزٸلگەن سوڭ قىلمىسىن مويىنداعانىن ايتتى.
"تەرگەۋشٸگە جەتپەي-اق, ەۋەجايدا قارسى العان ادامدارعا بەرٸن مويىندادىم. اقتالۋعا نەمەسە قىلمىستان جالتارۋعا تىرىسقان جوقپىن", – دەدٸ ول.
سوت وتىرىسىندا ايىپتالۋشى كٶزٸنە جاس الىپ, بولعان جاعدايعا ٶكٸنەتٸنٸن دە جەتكٸزدٸ.
