Jetisý oblysynyń Eskeldi aýdanynda sońǵy úsh jylda paidalanbai jatqan 30 myń gektar jer memleket menshigine qaitaryldy, sonyń 26 myń ga - jaiylym, 3,7 myń ga - egistik, 300 ga - shabyndyq. Búgingi kúnge qaitarylǵan jerlerdiń 21 myń gektary nemese 69% ainalymǵa tartyldy. Onyń 5 myń gektary konkýrs arqyly, 16 myń gektary aýdannyń barlyq aýyldyq okrýgterine qoǵamdyq jaiylym retinde berildi. Bul jaiynda búgin aýdan turǵyndarymen kezdesýi kezinde oblys ákimi Beibit Isabaev aitty,- dep habarlaidy Dalanews.kz Jetisý oblysy ákimdiginiń baspasóz qyzmetine slteme jasap.
Óńir basshysynyń aitýynsha, biyl aýdan qorynda turǵan jerlerge 13 ýchaskeni qamtityn 2 konkýrs ótkizilip, 1800 gektar jer tabystalǵan, onyń ishinde sýarmaly jáne tálimi egistikter men jaiylymdyq jerler bar. Qazan aiynda 1 myń gektarǵa taǵy bir konkýrs ótkiziledi.
Bul rette paidalanylmai jatqan jerlerdi qaitarýdyń jyldyq jospary 7000 gektar bolsa, onyń tek 3700 gektary ǵana qaitarylǵan. Osyǵan bailanysty bul baǵyttaǵy jumysty kúsheitýdi tapsyrǵan oblys ákimi Eskeldi aýdanynyń aýyl sharýashylyǵyn damytýǵa qolaily agrarlyq baǵyttaǵy aimaq ekenin esten shyǵarmaý kerektigin aitty.
- Aýyl sharýashylyǵy salasynda biylǵy jyldyń 7 aiynda 17,2 mlrd. teńgeniń ónimi óndirildi, onyń ishinde mal sharýashylyǵy ónimi 10 mlrd. teńgeni qurap, 6%-ǵa artty, ósimdik sharýashylyǵynyń jalpy ónimi 7,4 mlrd. teńgeni qurap, 2 esege ósti. Aýdandaǵy egis alqaptary 53,4 myń gektar. Búgingi kúnge 26 myń gektar masaqty dándi daqyldar orylyp, 42 myń tonna astyq bastyryldy, ortasha gektar ónimdiligi 17 tsentnerdi qurady. Memleket tarapynan bul baǵytta kómek kórsetilip, sýbsidiialar, jeńildetilgen nesieler berilýde, aýdan diqandary osy múkindikterdi paidalanyp, Úkimettiń qoldaýymen 56 birlik aýyl sharýashylyǵy tehnikasyn satyp aldy. Bizdiń maqsatymyz aýdanda óndirilgen ónimdi qaita óńdeý úlesin kóterý. Osyǵan bailanysty aýdan ákimine aýyl sharýashylyǵy basqarmasymen birlesip tiimdi sharalardy qolǵa alaýy tiis, - dedi B. Isabaev.
Óńir basshysy sondai-aq sharýashylyqtardy sýarmaly sýmen qamtamasyz etý máselesine de toqtaldy. Kelesi jyly «Báibishe» kanalyn kúrdeli jóndeý men Balyqty ózeninde sý qoimasyn salýǵa respýblikalyq biýdjetten qarjylandyrýǵa ótinim berý josparlanýda. Biyl 4900 gektar alqapqa sý únemdeý tehnologiialaryn engizý josparlanǵan. Alaida bul ádis tek 1700 gektar jerde qoldanylyp otyr, sondyqtan bul jumystardy jalǵastyrý kerek.
Halyqtyń negizgi azyǵy sanalatyn et pen súttiń sapasyna jaýapty veterinariia salasy da nazardan tys qalǵan joq. Veterinarlyq qyzmettiń sapasyn arttyrý maqsatynda ótken jyly Qainarly, Jetisý, Aqyn Sara aýyldarynda blokty-modýldi veterinariialyq pýnktter ornatylsa, biyl qarasha aiynda Qaratal, Kókjazyq aýyldarynda osyndai nysandar paidalanýǵa beriledi. Sonymen qatar salanyń materialdyq-tehnikalyq bazasyn nyǵaitý úshin qajetti qural-jabdyqtar, 2 qyzmettik jáne 1 mal tasymaldaýǵa arnalǵan arnaiy avtokólikter satyp alyndy. Jalpy, veterinariialyq qyzmetke jan-jaqty qoldaý budan ári de jalǵasady.
Eseptik kezdesý barysynda aýdan halqynyń ómir súrý sapasyn arttyrýǵa baǵyttalǵan sharalarǵa jáne áleýmettik-ekonomikalyq damýdyń negizgi baǵyttaryna basa nazar aýdaryldy.
Oblys ákimi ótken jyly halyqpen kezdesýde turǵyndar kótergen ózekti máselelerge de toqtaldy. Atap aitqanda, Kókjazyq aýylynyń turǵyny Gúlnur Baimuhan kótergen aýylǵa baratyn joldy jóndeý jáne gaz jelisin tartý máseleleri oń sheshimin tapqan.
Búginde jalpy uzyndyǵy 8,7 shaqyrym bolatyn gaz qubyrynyń qurylysy aiaqtaldy, eldi meken ishindegi orta jáne tómen qysymdy gaz jelileriniń qurylysy jalǵasyp jatyr. Qazirgi tańda 26 shaqyrymnyń 8 shaqyrymy salyndy. Sóitip gazdandyrý jumystaryn jyl sońyna deiin tolyq aiaqtaý josparlanyp otyr, al jol jóndeý jumystary qazan aiynda aiaqtalady.
Al jergilikti turǵyn Valentina Belimova kótergen másele - Qaratal aýylyna baratyn joldy jóndeýge kelsek, qazirgi tańda qajetti qujattamalardy daiyndaý jumystary júrgizilýde, jol qurylysyna qajetti qarajat kelesi jyly bólinedi dep josparlanyp otyr.
Sol siiaqty buǵan deiin turǵyndar qozǵaǵan máselelerge bailanysty Baqtybai aýylyndaǵy Gagarin kóshesi tolyq asfalttaldy, Ótenai aýylynda meditsina nysany salynyp, Eltai aýylynda qurylysy bastaldy, Shymyr aýylynda kóshe jóndelip, jaryqtandyryldy, dárigerlik ambýlatoriia men sport kesheni salyndy.
Sóziniń sońynda oblys basshysy Beibit Isabaev aýdan ákimine aýdannyń áleýmettik-ekonomikalyq damýyndaǵy oryn alǵan kemshilikterdi joiýdy mindettedi, bul rette ózekti problemalardy sheshýge óńirde barlyq múmkindik bar, oblys basshylyǵy tarapynan qajetti qoldaý kórsetilip otyr.
- Bizdiń tarapymyzdan aldaǵy ýaqytta da halyqtyń ómir súrý sapasyn arttyrýǵa, aýyldyń áleýmettik-ekonomikalyq damýyna arnalǵan naqty júieli sharalar júzege asyrylatyn bolady. Orynbasarlaryma, aýdan ákimine, tiisti basqarmalarǵa bólingen biýdjet qarajatyn ýaqytyly, sapaly igerýdi tapsyramyn, - dedi B. Isabaev.
