Ál-Farabi atyndaǵy QazUÝ bazasynda «Tsifrlyq tehnologiialar jáne robototehnika» halyqaralyq institýty men robototehnika ortalyǵynyń resmi ashylýy ótti,- dep habarlaidy Dalanews.kz
Saltanatty rásimge QR Ǵylym jáne joǵary bilim ministri Saiasat Nurbek, Qytai Halyq Respýblikasynyń Almatydaǵy bas konsýly Tszian Vei, ál-Farabi atyndaǵy QazUÝ Basqarma Tóraǵasy-Rektory Janseiit Túimebaev jáne Huibo Robotics kompaniiasynyń bas atqarýshy direktory Ýań Chjenhýan arnaiy qatysty.
Aýqymdy joba – ál-Farabi atyndaǵy QazUÝ-dyń akademiialyq áleýeti men Jiangsu Huibo Robotics Technology Co., Ltd. kompaniiasynyń tehnologiialyq múmkindikterin biriktiretin zamanaýi innovatsiialyq sheshim. Mańyzdy kelisimge Memleket basshysy Qasym-Jomart Toqaevtyń jýyrdaǵy Qytai Halyq Respýblikasyna resmi sapary aiasynda qol jetkizilgen bolatyn.
Mártebeli meimandardy rektor Janseiit Túimebaev qarsy alyp, zamanaýi keshen jumysymen tanystyrdy. Ýniversitet basshysy ortalyqtyń tsifrlyq injeneriia men ónerkásiptik robototehnikany meńgerýge múmkindik beretin ozyq bilim berý keńistigi ekenin atap ótti. Munda stýdentter óndiristiń barlyq protsesterin sandyq ortada úirenedi. Sonymen qatar óndiristegi ár kezeńdi ózara bailanystyrýdy úirenip, kúrdeli avtomattandyrylǵan júielermen jumys isteýge daǵdylanady.
Ortalyqtyń jalpy aýdany 600 sharshy metrdi quraidy. Mundaǵy bes innovatsiialyq platforma – zamanaýi óndiris pen jasandy intellekt negizinde qurylǵan jáne intellektýaldy robottarmen jumys isteýge arnalǵan keshenderden turady.
Atap aitqanda, virtýaldy zaýyt, ónerkásiptik robottardy baǵdarlamalaý júiesi, jasandy intellekt pen mashinalyq kórý platformalary, ónerkásiptik robottardy qoldanýǵa arnalǵan oqytý júiesi jáne kúrdeli bionikalyq qozǵalystar men interaktivti tapsyrmalarǵa qabiletti Unitree Go2 Pro robottary. Qazirgi tańda ortalyqta jalpy 13 zamanaýi robot ornatylǵan.
Institýtta «Robototehnika», «Mehatronika», «Jasandy intellekt» jáne «Zattar interneti» baǵyttary boiynsha birlesken bilim berý baǵdarlamalary ázirlenip, bakalavriat, magistratýra jáne doktorantýra deńgeilerinde júzege asyrylatyn bolady. Sonymen qatar tsifrlyq tehnologiialar salasyndaǵy mamandardy qaita daiarlaý kýrstary da josparlanǵan.
Ministr Saiasat Nurbek óz sózinde oqý ortalyǵynyń áleýetine joǵary baǵa berip, mundai praktikalyq baǵyttaǵy bilim berý modelderi jańa býyn injenerleri men IT mamandaryn daiarlaýda sheshýshi ról atqaratynyn atap ótti.
Qytailyq seriktes Ýań Chjenhýan bul jobanyń eki el arasyndaǵy ǵylymi-tehnikalyq yntymaqtastyqty odan ári damytatynyn, robototehnikany oqytý men zertteýdiń jańa deńgeiine shyǵýǵa septigin tigizetinin aitty.
Sondai-aq joba aiasynda startaptar men innovatsiialyq kompaniialar qurylyp, robototehnikalyq júielerdiń quramdas bólikterin Qazaqstanda óndirý qolǵa alynady. Halyqaralyq ýniversitetter men tehnologiialyq kompaniialarmen birlesken taǵylymdamalar, akademiialyq utqyrlyq pen tájiribe almasý baǵdarlamalary iske qosylady. Aldaǵy ýaqytta halyqaralyq konferentsiialar men hakatondar da uiymdastyrylmaq. Bul Qytai jáne basqa elderdiń oqý oryndarymen birlesken jelilik bilim berý jáne ǵylymi baǵdarlamalardy damytýǵa yqpal etedi.
Jiylǵan qonaqtar men sala mamandary QazUÝ-dyń bul bastamasy elimizdegi tehnikalyq bilim berý júiesine serpin beretinine senim bildirdi.
