ەل-فارابي اتىنداعى قازۇۋ بازاسىندا «تسيفرلىق تەحنولوگييالار جەنە روبوتوتەحنيكا» حالىقارالىق ينستيتۋتى مەن روبوتوتەحنيكا ورتالىعىنىڭ رەسمي اشىلۋى ٶتتٸ,- دەپ حابارلايدى Dalanews.kz
سالتاناتتى رەسٸمگە قر عىلىم جەنە جوعارى بٸلٸم مينيسترٸ ساياسات نۇربەك, قىتاي حالىق رەسپۋبليكاسىنىڭ الماتىداعى باس كونسۋلى تسزيان ۆەي, ەل-فارابي اتىنداعى قازۇۋ باسقارما تٶراعاسى-رەكتورى جانسەيٸت تٷيمەباەۆ جەنە Huibo Robotics كومپانيياسىنىڭ باس اتقارۋشى ديرەكتورى ۋاڭ چجەنحۋان ارنايى قاتىستى.
اۋقىمدى جوبا – ەل-فارابي اتىنداعى قازۇۋ-دىڭ اكادەمييالىق ەلەۋەتٸ مەن Jiangsu Huibo Robotics Technology Co., Ltd. كومپانيياسىنىڭ تەحنولوگييالىق مٷمكٸندٸكتەرٸن بٸرٸكتٸرەتٸن زاماناۋي يننوۆاتسييالىق شەشٸم. ماڭىزدى كەلٸسٸمگە مەملەكەت باسشىسى قاسىم-جومارت توقاەۆتىڭ جۋىرداعى قىتاي حالىق رەسپۋبليكاسىنا رەسمي ساپارى اياسىندا قول جەتكٸزٸلگەن بولاتىن.
مەرتەبەلٸ مەيمانداردى رەكتور جانسەيٸت تٷيمەباەۆ قارسى الىپ, زاماناۋي كەشەن جۇمىسىمەن تانىستىردى. ۋنيۆەرسيتەت باسشىسى ورتالىقتىڭ تسيفرلىق ينجەنەرييا مەن ٶنەركەسٸپتٸك روبوتوتەحنيكانى مەڭگەرۋگە مٷمكٸندٸك بەرەتٸن وزىق بٸلٸم بەرۋ كەڭٸستٸگٸ ەكەنٸن اتاپ ٶتتٸ. مۇندا ستۋدەنتتەر ٶندٸرٸستٸڭ بارلىق پروتسەستەرٸن ساندىق ورتادا ٷيرەنەدٸ. سونىمەن قاتار ٶندٸرٸستەگٸ ەر كەزەڭدٸ ٶزارا بايلانىستىرۋدى ٷيرەنٸپ, كٷردەلٸ اۆتوماتتاندىرىلعان جٷيەلەرمەن جۇمىس ٸستەۋگە داعدىلانادى.
ورتالىقتىڭ جالپى اۋدانى 600 شارشى مەتردٸ قۇرايدى. مۇنداعى بەس يننوۆاتسييالىق پلاتفورما – زاماناۋي ٶندٸرٸس پەن جاساندى ينتەللەكت نەگٸزٸندە قۇرىلعان جەنە ينتەللەكتۋالدى روبوتتارمەن جۇمىس ٸستەۋگە ارنالعان كەشەندەردەن تۇرادى.
اتاپ ايتقاندا, ۆيرتۋالدى زاۋىت, ٶنەركەسٸپتٸك روبوتتاردى باعدارلامالاۋ جٷيەسٸ, جاساندى ينتەللەكت پەن ماشينالىق كٶرۋ پلاتفورمالارى, ٶنەركەسٸپتٸك روبوتتاردى قولدانۋعا ارنالعان وقىتۋ جٷيەسٸ جەنە كٷردەلٸ بيونيكالىق قوزعالىستار مەن ينتەراكتيۆتٸ تاپسىرمالارعا قابٸلەتتٸ Unitree Go2 Pro روبوتتارى. قازٸرگٸ تاڭدا ورتالىقتا جالپى 13 زاماناۋي روبوت ورناتىلعان.
ينستيتۋتتا «روبوتوتەحنيكا», «مەحاترونيكا», «جاساندى ينتەللەكت» جەنە «زاتتار ينتەرنەتٸ» باعىتتارى بويىنشا بٸرلەسكەن بٸلٸم بەرۋ باعدارلامالارى ەزٸرلەنٸپ, باكالاۆريات, ماگيستراتۋرا جەنە دوكتورانتۋرا دەڭگەيلەرٸندە جٷزەگە اسىرىلاتىن بولادى. سونىمەن قاتار تسيفرلىق تەحنولوگييالار سالاسىنداعى مامانداردى قايتا دايارلاۋ كۋرستارى دا جوسپارلانعان.
مينيستر ساياسات نۇربەك ٶز سٶزٸندە وقۋ ورتالىعىنىڭ ەلەۋەتٸنە جوعارى باعا بەرٸپ, مۇنداي پراكتيكالىق باعىتتاعى بٸلٸم بەرۋ مودەلدەرٸ جاڭا بۋىن ينجەنەرلەرٸ مەن ٸت ماماندارىن دايارلاۋدا شەشۋشٸ رٶل اتقاراتىنىن اتاپ ٶتتٸ.
قىتايلىق سەرٸكتەس ۋاڭ چجەنحۋان بۇل جوبانىڭ ەكٸ ەل اراسىنداعى عىلىمي-تەحنيكالىق ىنتىماقتاستىقتى ودان ەرٸ دامىتاتىنىن, روبوتوتەحنيكانى وقىتۋ مەن زەرتتەۋدٸڭ جاڭا دەڭگەيٸنە شىعۋعا سەپتٸگٸن تيگٸزەتٸنٸن ايتتى.
سونداي-اق جوبا اياسىندا ستارتاپتار مەن يننوۆاتسييالىق كومپانييالار قۇرىلىپ, روبوتوتەحنيكالىق جٷيەلەردٸڭ قۇرامداس بٶلٸكتەرٸن قازاقستاندا ٶندٸرۋ قولعا الىنادى. حالىقارالىق ۋنيۆەرسيتەتتەر مەن تەحنولوگييالىق كومپانييالارمەن بٸرلەسكەن تاعىلىمدامالار, اكادەمييالىق ۇتقىرلىق پەن تەجٸريبە الماسۋ باعدارلامالارى ٸسكە قوسىلادى. الداعى ۋاقىتتا حالىقارالىق كونفەرەنتسييالار مەن حاكاتوندار دا ۇيىمداستىرىلماق. بۇل قىتاي جەنە باسقا ەلدەردٸڭ وقۋ ورىندارىمەن بٸرلەسكەن جەلٸلٸك بٸلٸم بەرۋ جەنە عىلىمي باعدارلامالاردى دامىتۋعا ىقپال ەتەدٸ.
جيىلعان قوناقتار مەن سالا ماماندارى قازۇۋ-دىڭ بۇل باستاماسى ەلٸمٸزدەگٸ تەحنيكالىق بٸلٸم بەرۋ جٷيەسٸنە سەرپٸن بەرەتٸنٸنە سەنٸم بٸلدٸردٸ.
