ەلٸمٸزدەگٸ جوعارى وقۋ ورىندارىنىڭ اراسىندا العاشقىلاردىڭ بٸرٸ بولىپ ديپلوم تاپسىرۋ رەسٸمٸن باستاعان ٸ. جانسٷگٸروۆ اتىنداعى جەتٸسۋ ۋنيۆەرسيتەتٸ تاعى بٸر ماڭىزدى كەزەڭدٸ ابىرويمەن ٶتكەرۋدە. بۇل – وقۋ ورنىنىڭ بٸلٸم بەرۋ ٷدەرٸسٸن تيٸمدٸ ۇيىمداستىرىپ, تٷلەكتەردٸڭ جاڭا ٶمٸر جولىنا ۋاقىتىلى قادام باسۋىنا جاعداي جاساپ وتىرعانىنىڭ ايقىن كٶرٸنٸسٸ, دەپ حابارلايدى dalanews.kz.
بيىل ديپلوم تابىستاۋ رەسٸمدەرٸ ۋنيۆەرسيتەتتٸڭ 6 فاكۋلتەتٸندە جەنە جانسٷگٸروۆ كوللەدجٸندە ۇيىمداستىرىلۋدا. سالتاناتتى شارالار تولىق جٶندەۋدەن ٶتكەن, زاماناۋي تەحنيكالىق قۇرالدارمەن جابدىقتالعان ق.اجماعانبەتوۆ اتىنداعى Zhetysu Hall كەشەنٸندە ٶتۋدە. وبلىس دەڭگەيٸندە ۇيىمداستىرىلىپ وتىرعان بۇل ماڭىزدى ٸس-شارا ٶڭٸردٸڭ قوعامدىق-ساياسي جەنە ەلەۋمەتتٸك ٶمٸرٸندەگٸ ايتۋلى وقيعالاردىڭ بٸرٸنە اينالدى.
جەتٸسۋ ۋنيۆەرسيتەتٸن 2025–2026 وقۋ جىلىندا باكالاۆريات جەنە ماگيستراتۋرا باعدارلامالارى بويىنشا جالپى 2026 تٷلەك تەمامدادى. ولاردىڭ 133-ٸ ٷزدٸك ديپلوم يەگەرٸ اتانسا, 270 ماگيسترانتقا ماگيستر اكادەمييالىق دەرەجەسٸ بەرٸلدٸ.
سالتاناتتى ديپلوم تابىستاۋ رەسٸمدەرٸنە ۋنيۆەرسيتەت رەكتورى ەرمەك بٶرٸباەۆ, جەتٸسۋ وبلىسىنىڭ پروكۋرورى باۋىرجان جۇماقانوۆ, جەتٸسۋ وبلىسى ەكٸمٸنٸڭ ورىنباسارى مارلەن كٶلباەۆ, جەتٸسۋ وبلىسىنىڭ ەدٸلەت دەپارتامەنتٸنٸڭ باسشىسى جاندوس بەكسۇلتانۇلى, تالدىقورعان قالاسىنىڭ ەكٸمٸ ەرنات بەزٸل جەنە ٶڭٸردەگٸ مەملەكەتتٸك ورگانداردىڭ, قۇقىق قورعاۋ قۇرىلىمدارىنىڭ, بٸلٸم بەرۋ ۇيىمدارىنىڭ باسشىلارى, جۇمىس بەرۋشٸلەر مەن ەلەۋمەتتٸك سەرٸكتەستەر قاتىسۋدا. جاس ماماندارعا ديپلومداردى قوعامدا ٶزٸندٸك ورنى بار, ەل دامۋىنا ٷلەس قوسىپ جٷرگەن بەدەلدٸ تۇلعالاردىڭ تابىستاۋى سالتاناتتى شارانىڭ ماڭىزىن ارتتىرا تٷستٸ.
قوناقتار تٷلەكتەردٸ ٶمٸرلەرٸندەگٸ ماڭىزدى بەلەسپەن قۇتتىقتاپ, ولاردىڭ كەسٸبي جولدا تابىسقا جەتٸپ, ەلٸمٸزدٸڭ ٶركەندەۋٸنە ٶز ٷلەستەرٸن قوساتىنىنا سەنٸم بٸلدٸردٸ.
ديپلوم تاپسىرۋ رەسٸمٸندە ۋنيۆەرسيتەتتٸڭ قوعامدىق ٶمٸرٸنە بەلسەندٸ قاتىسقان ستۋدەنتتەر دە ارنايى ماراپاتتارعا يە بولدى. بٸرقاتار تٷلەك «بەلسەندٸ قوعامدىق قىزمەتٸ ٷشٸن» جەنە «ٷزدٸك تٷلەك» تٶسبەلگٸلەرٸمەن ماراپاتتالسا, سپورت سالاسىندا جوعارى نەتيجەلەر كٶرسەتكەن ستۋدەنتتەرگە «سپورتتاعى جەتٸستٸگٸ ٷشٸن» تٶسبەلگٸلەرٸ تابىستالدى.
جەتٸسۋ ۋنيۆەرسيتەتٸ تٷلەكتەرٸنٸڭ ەڭبەك نارىعىنداعى سۇرانىسى جىل سايىن ارتىپ كەلەدٸ. ٶتكەن وقۋ جىلىندا ۋنيۆەرسيتەتتٸ 1432 جاس مامان بٸتٸرسە, ولاردىڭ 85 پايىزى تۇراقتى جۇمىسپەن قامتىلدى. بۇل كٶرسەتكٸش وقۋ ورنىندا دايارلاناتىن مامانداردىڭ ساپاسىن, بٸلٸم بەرۋ باعدارلامالارىنىڭ ەڭبەك نارىعى تالاپتارىنا سەيكەستٸگٸن جەنە جۇمىس بەرۋشٸلەرمەن تيٸمدٸ بايلانىستىڭ نەتيجەسٸن ايعاقتايدى.
بٷگٸندە جەتٸسۋ ۋنيۆەرسيتەتٸ ٶڭٸردٸڭ عانا ەمەس, ەلٸمٸزدٸڭ ەلەۋمەتتٸك-ەكونوميكالىق دامۋىنا ٷلەس قوساتىن بەسەكەگە قابٸلەتتٸ ماماندار دايارلايتىن جەتەكشٸ جوعارى وقۋ ورىندارىنىڭ بٸرٸنە اينالدى. جۋىردا جارييالانعان قازاقستان رەسپۋبليكاسى جوعارى وقۋ ورىندارىنىڭ سۇرانىسقا يەلٸگٸنٸڭ تەۋەلسٸز رەيتينگٸ – 2026 قورىتىندىسى بويىنشا ٸ. جانسٷگٸروۆ اتىنداعى جەتٸسۋ ۋنيۆەرسيتەتٸ ۇلتتىق جەنە ايماقتىق جوعارى وقۋ ورىندارى اراسىندا توپ-20 قاتارىنا ەنٸپ, 11-ورىندى يەلەندٸ.
ديپلوم – جاي عانا قۇجات ەمەس. ول – ستۋدەنتتٸڭ جىلدار بويعى ەڭبەگٸنٸڭ نەتيجەسٸ, اتا-انانىڭ اق ٷمٸتٸ مەن ۇستازداردىڭ تىنىمسىز ەڭبەگٸنٸڭ جەمٸسٸ. ەندٸ جاس مامانداردىڭ الدىندا جاڭا مٷمكٸندٸكتەر مەن ٷلكەن جاۋاپكەرشٸلٸككە تولى ٶمٸر جولى باستالادى. جەتٸسۋ ۋنيۆەرسيتەتٸ تٷلەكتەرٸنە اق جول تٸلەپ, ولاردىڭ ەل دامۋىنا ەلەۋلٸ ٷلەس قوساتىن بٸلٸكتٸ مامان, سانالى ازامات بولىپ قالىپتاساتىنىنا سەنٸم بٸلدٸرەدٸ.
