2026 جىلعى ماۋسىمدا ەسكەردە اۋىر جاراقات الىپ, ەكٸ جارىم جىلدان استام ۋاقىت ٶمٸر ٷشٸن كٷرەسكەن ەربايان مۇحتار قايتىس بولدى. بۇل تۋرالى ونىڭ اناسى گٷلسٸم قاميەۆا حابارلادى, دەپ حابارلايدى dalanews.kz.
ەكٸ جارىم جىل بويى قازاقستاندىقتار ونىڭ ەمٸنە قارجى جيناپ, شەتەلدە ەمدەلۋٸنە قولداۋ كٶرسەتٸپ, ساۋىعىپ كەتۋٸنە ٷمٸت ارتقان ەدٸ. الايدا قوعامدى دٷر سٸلكٸندٸرگەن وقيعا قايعىلى اياقتالدى.
ەربايان مۇحتار 2023 جىلى الماتىداعى ۇلتتىق ۇلاننىڭ №5571 ەسكەري بٶلٸمٸندە مەرزٸمدٸ ەسكەري قىزمەتٸن ٶتەپ جٷرگەن بولاتىن. جاقىندارىنىڭ ايتۋىنشا, ول ەسكەرگە دەنساۋلىعى جاقسى, ەشقانداي شاعىمسىز اتتانعان. وتباسى ونىڭ وتان الدىنداعى بورىشىن ٶتەپ, امان-ەسەن ٷيگە ورالادى دەپ سەنگەن. بٸراق 2023 جىلعى 4 جەلتوقساندا ولاردىڭ ٶمٸرٸ كٷرت ٶزگەردٸ.
سول كٷنٸ ەربايان اۋىر حالدە اۋرۋحاناعا جەتكٸزٸلدٸ. دەرٸگەرلەر وعان اۋىر باس-مي جاراقاتى, سۋبدۋرالدٸ گەماتوما جەنە جەلكە سٷيەگٸنٸڭ سىنۋى دياگنوزىن قويدى. رەسمي مەلٸمەتتە ساربازدىڭ دەرەتحانادا تايىپ قۇلاپ, باسىن كافەلگە سوققانى ايتىلدى. الايدا وتباسى بۇل نۇسقاعا بٸردەن كٷمەن كەلتٸردٸ.
«مەنٸڭ بالام ەسكەرگە ساپ-ساۋ بولىپ كەتتٸ. ال بٸزگە ونى مٷگەدەك كٷيٸندە قايتاردى. مۇنداي جاراقات جاي عانا قۇلاپ قالۋدان بولۋى مٷمكٸن ەمەس», – دەپ بٸرنەشە رەت مەلٸمدەگەن بولاتىن ەرباياننىڭ اناسى گٷلسٸم قاميەۆا.
2024 جىلدىڭ العاشقى ايلارى ەربايان ٷشٸن ٶمٸر مەن ٶلٸم اراسىنداعى كٷرەسكە اينالدى. ول بٸرنەشە كٷردەلٸ وپەراتسييانى باستان ٶتكەرٸپ, تٶرت اي بويى كومادا جاتتى. دەرٸگەرلەر ونىڭ ٶمٸرٸن ساقتاپ قالۋعا بار كٷشٸن سالدى. اناسى ۇلىنىڭ جانىنان بٸر سەتكە دە الىستامادى.
تٶرت ايدان كەيٸن ەربايان ەسٸن جيعانىمەن, ونىڭ جاعدايى اۋىر بولىپ قالا بەردٸ. ول ٶزدٸگٸنەن قوزعالا المايتىن, سٶيلەۋ قابٸلەتٸ دە ايتارلىقتاي زاقىمدانعان ەدٸ. وسى ۋاقىتتا قازاقستاندىقتار ونىڭ ەمٸنە قاراجات جيناۋدى باستادى. كەيٸن قايىرىمدىلىق ەسەبٸنە 200 ميلليون تەڭگەدەن استام قارجى جينالدى.
2024 جىلدىڭ ەكٸنشٸ جارتىسىندا ەربايان تٷركيياعا ەمدەلۋگە جٸبەرٸلدٸ. شەتەلدٸك ماماندار ۇزاق مەرزٸمدٸ وڭالتۋ باعدارلاماسىن باستاپ, ونىڭ جاعدايىن باقىلاۋعا الدى. ارنايى قۇرىلعىلاردىڭ كٶمەگٸمەن قوزعالۋ جاتتىعۋلارى جٷرگٸزٸلدٸ. مىڭداعان ادام ونىڭ ساۋىعىپ كەتۋٸنە ٷمٸت ارتتى.
2025 جىلى ەلەۋمەتتٸك جەلٸلەردە ەرباياندىڭ اياققا تۇرىپ, روبوتتاندىرىلعان قۇرىلعىلاردىڭ كٶمەگٸمەن جاتتىعۋ جاساپ جٷرگەن بەينەجازبالارى تارادى. بۇل كٶرٸنٸستەر كٶپشٸلٸككە ٷمٸت سىيلادى. اناسى دا ۇلىنىڭ جاعدايىندا وڭ ٶزگەرٸستەر بايقالىپ جاتقانىن ايتىپ, حالىققا العىس بٸلدٸرٸپ وتىردى. بٸراق ونىڭ تولىق ساۋىعىپ كەتۋٸ ٷشٸن ۇزاق ۋاقىت قاجەت ەكەنٸ بەلگٸلٸ ەدٸ.
ەرباياننىڭ دەنساۋلىعى ٷشٸن كٷرەسپەن قاتار, ونىڭ جاراقات الۋ سەبەپتەرٸ دە قوعام نازارىنان تٷسكەن جوق. رەسمي ورگانداردىڭ «تايىپ قۇلادى» دەگەن نۇسقاسى كٶپشٸلٸكتٸڭ كٷمەنٸن سەيٸلتە المادى. وتباسى مەن قورعاۋشىلار وقيعانىڭ بارلىق مەن-جايىن انىقتاۋدى تالاپ ەتتٸ. ٸس كەيٸن باس پروكۋراتۋرانىڭ قاراۋىنا ٶتتٸ.
ەربايان مۇحتاردىڭ ادۆوكاتى ينگا يمانباي بٸرنەشە رەت ٸستٸڭ تولىق اشىلماعانىن ايتىپ, قوسىمشا تەرگەۋ جٷرگٸزۋ قاجەتتٸگٸن مەلٸمدەگەن بولاتىن.
«بٸز باسىنان باستاپ رەسمي نۇسقامەن كەلٸسكەن جوقپىز. ٸستە جاۋاپسىز سۇراقتار ٶتە كٶپ. بارلىق كٸنەلٸ ادامدار انىقتالىپ, ەدٸل شەشٸم قابىلدانۋى كەرەك», – دەگەن ەدٸ ادۆوكات.
ونىڭ ايتۋىنشا, وتباسى شىندىقتىڭ تولىق اشىلۋىن تالاپ ەتتٸ. الايدا ەكٸ جىلعا جۋىق ۋاقىت ٶتسە دە, قوعام كٶكەيٸندەگٸ كٷمەن تولىق سەيٸلگەن جوق. ەلەۋمەتتٸك جەلٸلەردە جەنە قوعامدىق ورتادا «ەربايان ناقتى قالاي جاراقات الدى?» دەگەن سۇراق جيٸ كٶتەرٸلدٸ. بۇل مەسەلە قوعامنىڭ جٸتٸ نازارىندا بولدى.
2026 جىلعى مامىر ايىندا ەرباياندىڭ جاعدايى كٷرت ناشارلادى. ول استاناداعى ۇلتتىق شۇعىل مەديتسينانى ٷيلەستٸرۋ ورتالىعىنا جەتكٸزٸلٸپ, جانساقتاۋ بٶلٸمٸنە جاتقىزىلدى. دەرٸگەرلەر ونىڭ جاعدايى ٶتە اۋىر ەكەنٸن مەلٸمدەدٸ. ەكٸ جارىم جىل بويى جالعاسقان كٷرەس سوڭعى كەزەڭٸنە جەتتٸ.
ۇلىنىڭ قايتىس بولعانىن حابارلاعان گٷلسٸم قاميەۆا ەلەۋمەتتٸك جەلٸدەگٸ جازباسىندا:
«مەنٸڭ ەربايانىم ٶمٸردەن ٶتتٸ. ەكٸ جارىم جىل بويى بالام ٷشٸن كٷرەستٸم. بٸز سوڭىنا دەيٸن ٷمٸت ٷزگەن جوقپىز», – دەپ جازدى.
ەربايان مۇحتاردىڭ قازاسى قوعامعا اۋىر تيدٸ. ٶيتكەنٸ ەكٸ جارىم جىل بويى ەل بولىپ دۇعا تٸلەپ, قارجىلاي قولداۋ كٶرسەتكەن جۇرت ونىڭ جازىلىپ كەتۋٸنە سەنگەن ەدٸ. بٸراق بۇل ٷمٸت اقتالمادى. الايدا ەرباياندىڭ ٶلٸمٸمەن بٸرگە قوعامنىڭ سۇراقتارى دا جوعالىپ كەتكەن جوق.
بٷگٸندە جۇرتشىلىقتى «ەسكەرگە دەنٸ ساۋ بولىپ اتتانعان جاس جٸگٸت نەگە وسىنداي جاعدايعا دۋشار بولدى?», «كٸنەلٸلەر تولىق انىقتالدى ما?», «مۇنداي قايعىلى وقيعالار قايتالانباس ٷشٸن قانداي ساباق شىعارىلدى?» دەگەن سۇراقتار الاڭداتادى. ٶيتكەنٸ ەربايان مۇحتاردىڭ تاعدىرى بٸر وتباسىنىڭ عانا ەمەس, تۇتاس قوعامنىڭ جٷرەگٸنە تٷسكەن جارا.
