Búgin Almatyda Memlekettik keńesshi Erlan Qarinniń tóraǵalyq etýimen «Qazaqstan tarihy: ejelgi dáýirden búginge deiin» atty jeti tomdyq akademiialyq basylymdy ázirleýge qatysty redaktsiia alqasynyń kezekti otyrysy ótti,- dep habarlaidy Dalanews.kz
Redaktsiia alqasy jalpy daýys berý arqyly odan ári baspaǵa daiyndaý úshin basylymnyń ekinshi tomynyń qoljazbasyn bekitý týraly sheshim qabyldady. Sondai-aq jeti tomdyq eńbektiń úshinshi tomynyń mazmunyn talqylady.
Avtorlar ujymynyń jetekshisi, L.N. Gýmilev atyndaǵy Eýraziia ulttyq ýniversiteti Aimaqtaný kafedrasynyń professory, tarih ǵylymdarynyń doktory Aibolat Kóshkimbaev basylymnyń tujyrymdamasy, mazmuny jáne qurylymy jóninde baiandama jasap, «Altyn orda» dep atalatyn úshinshi tomnyń erekshelikteri men jańalyǵyn atap ótti. Sh.Sh. Ýálihanov atyndaǵy Tarih jáne etnologiia institýtynyń bas direktory, Ulttyq ǵylym akademiiasynyń akademigi Ziiabek Qabyldinov, Memleket tarihy institýty direktorynyń orynbasary, tarih ǵylymdarynyń doktory, professor Búrkitbai Aiaǵan, ál-Farabi atyndaǵy Qazaq ulttyq ýniversitetiniń professory, tarih ǵylymdarynyń doktory Bereket Káribaev pikir bildirdi.
Sondai-aq redaktsiia alqasynyń Murat Ábdirov, Galina Ksenjik, Radik Temirǵaliev, Kenjehan Matyjanov, Dihan Qamzabekuly, Aidos Sarym, Hankeldi Ábjanov, Mámbet Qoigeldiev, Merýert Ábýseiitova, Aigúl Sádýaqasova, Bolat Kómekov, Aqan Ońǵar, Jaqsylyq Sábitov sekildi ózge de músheleri óz oilaryn ortaǵa saldy.
Jiyn sońynda redaktsiia alqasy úshinshi tomdy jetildirý jumystaryn jalǵastyrý jáne kelesi otyrysta «Qazaqstan tarihy: ejelgi dáýirden búginge deiin» atty akademiialyq basylymnyń tórtinshi tomyn qarastyrý jóninde sheshim qabyldady.
