Búgin oblys ákimi Murat Ergeshbaev, Parlament Senaty men Májilisiniń depýtattary Rýslan Rústemov, Murat Ábenov, Marhabat Jaiymbetov, máslihat depýtattary, ziialy qaýym ókilderi men el aǵalary Memleket basshysynyń qoldaýymen salynǵan, jyl boiy úzdiksiz qyzmet kórsetetin «AI-KERIM» oqý-saýyqtyrý ortalyǵynyń ashylý rásimine qatysty, dep habarlaidy dalanews.kz.
Oqý jyly aiaqtalýǵa jaqyn qalǵanda oqýshylar demalysyn tiimdi uiymdastyrý úshin iske qosylǵan ortalyq Prezident saiabaǵy aýmaǵynda ornalasqan. Qurylysy byltyr qyrkúiek aiynda sol kezdegi aimaq basshysy Nurlybek Mashbekulynyń bastamasymen qolǵa alynǵan bolatyn.
Búginde óńirde 180 myńǵa jýyq mektep oqýshysy bar. Olar jazǵy demalysyn qyzyqty ári paidaly ótkizýi úshin keshendi jumys josparlanǵan. Biyl 170 myńnan astam jetkinshektynyǵý lagerlerine, 150 myńǵa jýyǵy mektep janyndaǵy lagerlerde demalady. Óńirde 7 lager jumys isteidi.
Rásimde oblys ákimi jańa ortalyq jas urpaqtyń jan-jaqty damýyna, demalysyna jáne bos ýaqytyn tiimdi ótkizýine múmkindik beretin mańyzdy joba ekenin atap ótti.
«Búgin Prezident saiabaǵy aýmaǵynda Memleket basshysynyń qoldaýymen jyl boiy úzdiksiz qyzmet kórsetetin oqý-saýyqtyrý ortalyǵyn ashyp otyrmyz. 10 mlrd teńgege salynǵan jańa nysannyń materialdyq-tehnikalyq bazasy álemdik ozyq standarttarǵa tolyq sáikes keledi. 300 oryndyq ortalyq aýmaǵynda 5 myń sharshy metrge jýyq ákimshilik ǵimarat, aýqymdy is-sharalarǵa arnalǵan ivent-aimaq, 4 jaily jataqhana jáne qonaqúi úlgisindegi ǵimarat bar.
Sonymen qatar balalardyń demalysyn tiimdi uiymdastyrý úshin barlyq qajetti infraqurylym men zamanaýi jabdyqtar ornatylyp, demalys aimaqtary jasaqtalǵan. Aldaǵy ýaqytta 17 myńnan astam sharshy metr aýmaǵy tolyq abattandyrylyp, kógaldandyrylady.Halyqaralyq Balalardy qorǵaý kúni qarsańynda ashylyp otyrǵan bul ortalyq Memleket basshysynyń qoldaýymen jas urpaqqa jasalǵan tamasha tartý, – dedi Murat Nálqojauly.
Oqý-saýyqtyrý ortalyǵynyń basty ereksheligi – qasynda zamanaýi standarttarǵa sai Botanikalyq baqtyń bolýy. Munda balalardyń ekologiialyq bilimin jetildirýge jáne ósimdikterdiń ekojúiedegi mańyzyn túsindirýge baǵyttalǵan oqý-tanymdyq jumystar júrgiziledi. Ońtústik Afrika, Ortalyq jáne Ońtústik Amerika, Qytaidan ákelingen ósimdikter ósiriledi.
Prezident saiabaǵy aýmaǵy da Qyzylordadaǵy qarqyndy qurylys alańyna ainalǵan. Turǵyn úiler, áleýmettik nysandar, demalys oryndary birtindep boi kóterip keledi. Oqý-saýyqtyrý ortalyǵy – mundaǵy iske qosylǵan alǵashqy nysan.
Keiingi jyldary aimaqta Memleket basshysynyń jáne Úkimettiń qoldaýymen 200-ge jýyq áleýmettik nysan salynǵany belgili. Bir ǵanabilim berý salasynda 43 nysan paidalanýǵa berildi. Olardyń qatarynda Prezident bastamasymen qolǵa alynǵan «Keleshek mektepteri» ulttyq jobasy aiasyndaǵy 10 mektep,fizika-matematika baǵytyndaǵy «Bilim-innovatsiia» litsei-internaty, mýzykalyq kolledjdiń jańa oqý ǵimaraty men jataqhanasy, «Oqýshylar saraiy» jáne «Syr juldyzdary» akademiiasy bar. Jalaǵash, Jańaqorǵan jáne Shieli aýdandaryndaǵy «Oqýshylar úii» men «Óner mektebi» jas jetkinshekterdiń shyǵarmashylyq jáne ziiatkerlik áleýetin damytýǵa qyzmet etýde.
Rásimde Murat Abdýlamituly, Rýslan Rústemuly, memleket jáne qoǵam qairatkeri Murat Baqtiiaruly sóz sóiledi. Bilim berý salasynyń damýyna eleýli úles qosqan ustazdar qaýymy, jańa nysan qurylysyn merziminde aiaqtaǵan merdiger mekeme qyzmetkerleri oblys ákiminiń Alǵys hatymen marapattaldy.
