Astanada Counter-Strike 2 boiynsha ótip jatqan PGL Astana 2026 halyqaralyq týrniri sátti bastaldy, dep habarlaidy dalanews.kz.
Týrnirdiń jartylai finalyna MOUZ, Team Spirit, Magic jáne Falcons komandalary joldama aldy. Alǵashqy kúnniń ózinde kórermender tartysty kezdesýlerdi, áserli oiyn sátterin jáne is-sharanyń joǵary deńgeide uiymdastyrylǵanyn tamashalady.
Jankúierlerdiń erekshe nazary qazaqstandyq oiynshylardyń ónerine aýdy. Arenada qoldaý kórsetý atmosferasy ornap, tribýnalar súiikti komandalary men kibersportshylardyń árbir sátti áreketin qyzý qoldap otyrdy.
Týrnir qonaqtarynyń qatarynda Counter-Strike boiynsha álem chempiony Dáýren Qystaýbaev, FURIA Esports komandasynyń oiynshysy Daniil Golýbenko, strimer Slava Býster, PGL týrnirleriniń júrgizýshisi James Banks, sondai-aq álem chempiony Gabriel Toledo boldy.
«Barys Arena-daǵy atmosfera keremet boldy. Kibersport tóńireginde mundai úlken qyzyǵýshylyqty kópten beri kórmeppin. Tribýnalarda erekshe energiia sezildi. Kórermender komandalarǵa qoldaý bildirip, urandap, árbir raýndqa shynaiy jankúier boldy. Osyndai týrnirge qatysa alǵanyma qýanyshtymyn», – dedi jankúierlerdiń biri.
Uiymdastyrýshylar men sarapshylardyń aitýynsha, mundai týrnirlerdi ótkizý oqiǵalyq týrizmdi damytýǵa yqpal etip, Astananyń iri halyqaralyq kibersport jarystaryn qabyldaityn alań retindegi mártebesin nyǵaitady. Sheteldik qonaqtar jarystyń joǵary deńgeide uiymdastyrylǵanyn, elordanyń zamanaýi infraqurylymyn jáne Qazaqstan jastarynyń kibersportqa qyzyǵýshylyǵy artyp kele jatqanyn atap ótti.
Búgin, 16 mamyrda týrnir ekinshi oiyn kúniniń matchtarymen jalǵasady. Jankúierler aldynda myqty komandalardyń jańa kezdesýleri ótedi.
