استانادا Counter-Strike 2 بويىنشا ٶتٸپ جاتقان PGL Astana 2026 حالىقارالىق تۋرنيرٸ سەتتٸ باستالدى, دەپ حابارلايدى dalanews.kz.
تۋرنيردٸڭ جارتىلاي فينالىنا MOUZ, Team Spirit, Magic جەنە Falcons كوماندالارى جولداما الدى. العاشقى كٷننٸڭ ٶزٸندە كٶرەرمەندەر تارتىستى كەزدەسۋلەردٸ, ەسەرلٸ ويىن سەتتەرٸن جەنە ٸس-شارانىڭ جوعارى دەڭگەيدە ۇيىمداستىرىلعانىن تاماشالادى.
جانكٷيەرلەردٸڭ ەرەكشە نازارى قازاقستاندىق ويىنشىلاردىڭ ٶنەرٸنە اۋدى. ارەنادا قولداۋ كٶرسەتۋ اتموسفەراسى ورناپ, تريبۋنالار سٷيٸكتٸ كوماندالارى مەن كيبەرسپورتشىلاردىڭ ەربٸر سەتتٸ ەرەكەتٸن قىزۋ قولداپ وتىردى.
تۋرنير قوناقتارىنىڭ قاتارىندا Counter-Strike بويىنشا ەلەم چەمپيونى دەۋرەن قىستاۋباەۆ, FURIA Esports كومانداسىنىڭ ويىنشىسى دانييل گولۋبەنكو, ستريمەر سلاۆا بۋستەر, PGL تۋرنيرلەرٸنٸڭ جٷرگٸزۋشٸسٸ James Banks, سونداي-اق ەلەم چەمپيونى گابريەل تولەدو بولدى.
«Barys Arena-داعى اتموسفەرا كەرەمەت بولدى. كيبەرسپورت تٶڭٸرەگٸندە مۇنداي ٷلكەن قىزىعۋشىلىقتى كٶپتەن بەرٸ كٶرمەپپٸن. تريبۋنالاردا ەرەكشە ەنەرگييا سەزٸلدٸ. كٶرەرمەندەر كوماندالارعا قولداۋ بٸلدٸرٸپ, ۇرانداپ, ەربٸر راۋندقا شىنايى جانكٷيەر بولدى. وسىنداي تۋرنيرگە قاتىسا العانىما قۋانىشتىمىن», – دەدٸ جانكٷيەرلەردٸڭ بٸرٸ.
ۇيىمداستىرۋشىلار مەن ساراپشىلاردىڭ ايتۋىنشا, مۇنداي تۋرنيرلەردٸ ٶتكٸزۋ وقيعالىق تۋريزمدٸ دامىتۋعا ىقپال ەتٸپ, استانانىڭ ٸرٸ حالىقارالىق كيبەرسپورت جارىستارىن قابىلدايتىن الاڭ رەتٸندەگٸ مەرتەبەسٸن نىعايتادى. شەتەلدٸك قوناقتار جارىستىڭ جوعارى دەڭگەيدە ۇيىمداستىرىلعانىن, ەلوردانىڭ زاماناۋي ينفراقۇرىلىمىن جەنە قازاقستان جاستارىنىڭ كيبەرسپورتقا قىزىعۋشىلىعى ارتىپ كەلە جاتقانىن اتاپ ٶتتٸ.
بٷگٸن, 16 مامىردا تۋرنير ەكٸنشٸ ويىن كٷنٸنٸڭ ماتچتارىمەن جالعاسادى. جانكٷيەرلەر الدىندا مىقتى كوماندالاردىڭ جاڭا كەزدەسۋلەرٸ ٶتەدٸ.
