بٷگٸن الماتىدا مەملەكەتتٸك كەڭەسشٸ ەرلان قاريننٸڭ تٶراعالىق ەتۋٸمەن «قازاقستان تاريحى: ەجەلگٸ دەۋٸردەن بٷگٸنگە دەيٸن» اتتى جەتٸ تومدىق اكادەمييالىق باسىلىمدى ەزٸرلەۋگە قاتىستى رەداكتسييا القاسىنىڭ كەزەكتٸ وتىرىسى ٶتتٸ,- دەپ حابارلايدى Dalanews.kz
رەداكتسييا القاسى جالپى داۋىس بەرۋ ارقىلى ودان ەرٸ باسپاعا دايىنداۋ ٷشٸن باسىلىمنىڭ ەكٸنشٸ تومىنىڭ قولجازباسىن بەكٸتۋ تۋرالى شەشٸم قابىلدادى. سونداي-اق جەتٸ تومدىق ەڭبەكتٸڭ ٷشٸنشٸ تومىنىڭ مازمۇنىن تالقىلادى.
اۆتورلار ۇجىمىنىڭ جەتەكشٸسٸ, ل.ن. گۋميلەۆ اتىنداعى ەۋرازييا ۇلتتىق ۋنيۆەرسيتەتٸ ايماقتانۋ كافەدراسىنىڭ پروفەسسورى, تاريح عىلىمدارىنىڭ دوكتورى ايبولات كٶشكٸمباەۆ باسىلىمنىڭ تۇجىرىمداماسى, مازمۇنى جەنە قۇرىلىمى جٶنٸندە بايانداما جاساپ, «التىن وردا» دەپ اتالاتىن ٷشٸنشٸ تومنىڭ ەرەكشەلٸكتەرٸ مەن جاڭالىعىن اتاپ ٶتتٸ. ش.ش. ۋەليحانوۆ اتىنداعى تاريح جەنە ەتنولوگييا ينستيتۋتىنىڭ باس ديرەكتورى, ۇلتتىق عىلىم اكادەميياسىنىڭ اكادەميگٸ زييابەك قابىلدينوۆ, مەملەكەت تاريحى ينستيتۋتى ديرەكتورىنىڭ ورىنباسارى, تاريح عىلىمدارىنىڭ دوكتورى, پروفەسسور بٷركٸتباي اياعان, ەل-فارابي اتىنداعى قازاق ۇلتتىق ۋنيۆەرسيتەتٸنٸڭ پروفەسسورى, تاريح عىلىمدارىنىڭ دوكتورى بەرەكەت كەرٸباەۆ پٸكٸر بٸلدٸردٸ.
سونداي-اق رەداكتسييا القاسىنىڭ مۇرات ەبدٸروۆ, گالينا كسەنجيك, راديك تەمٸرعاليەۆ, كەنجەحان ماتىجانوۆ, ديحان قامزابەكۇلى, ايدوس سارىم, حانكەلدٸ ەبجانوۆ, مەمبەت قويگەلديەۆ, مەرۋەرت ەبۋسەيٸتوۆا, ايگٷل سەدۋاقاسوۆا, بولات كٶمەكوۆ, اقان وڭعار, جاقسىلىق سەبيتوۆ سەكٸلدٸ ٶزگە دە مٷشەلەرٸ ٶز ويلارىن ورتاعا سالدى.
جيىن سوڭىندا رەداكتسييا القاسى ٷشٸنشٸ تومدى جەتٸلدٸرۋ جۇمىستارىن جالعاستىرۋ جەنە كەلەسٸ وتىرىستا «قازاقستان تاريحى: ەجەلگٸ دەۋٸردەن بٷگٸنگە دەيٸن» اتتى اكادەمييالىق باسىلىمنىڭ تٶرتٸنشٸ تومىن قاراستىرۋ جٶنٸندە شەشٸم قابىلدادى.
