Búgin oblys ákimi Nurlybek Nálibaevtyń tóraǵalyǵymen Memleket basshysynyń Joldaýynan týyndaityn mindetterdi júzege asyrý máselelerine arnalǵan jiyn ótti. Oǵan quqyq qorǵaý organdarynyń, basqarmalar men aýmaqtyq departamentterdiń basshylary, máslihat depýtattary, saiasi partiialar, úkimettik emes uiymdar, ziialy qaýym ókilderi, jastar, onlain bailanys arqyly Qyzylorda qalasy men barlyq aýdan ákimderi qatysty,- dep habarlaidy Dalanews.kz
Aimaq basshysy Joldaýda kórsetilgen jeti baǵyt boiynsha tapsyrmalar júktedi.
«Memleket basshymyz ekonomikanyń salalaryn jańǵyrtý úshin tsifrlandyrý men jasandy intellekt tehnologiiasyn jedeldetip engizý máselelerine erekshe toqtaldy. Jasandy intellektiniń múmkindikterin qoldanyp, elimizdi odan ári órkendetýdiń, áleýmettik-ekonomikalyq, innovatsiialyq damytýdyń jańa baǵdary aiqyndaldy. Jappai tsifrlandyrý arqyly otandyq ekonomikany ártaraptandyrý, keshendi túrde jańǵyrtý kózdelgen. Aldaǵy úsh jylda Qazaqstandy tsifrlyq elge ainaldyrý maqsatynda naqty strategiialyq mejelerdi belgiledi.
Óńirge investitsiia tartý jumystary tek kásipkerlik jáne ónerkásip basqarmasymen ǵana shektelip qalmaýy qajet. Qala, aýdan ákimdikteri men árbir basqarma óz salalary boiynsha qarqyndy jumys jasaýy tiis. Oblystyq kásipkerlik jáne ónerkásip basqarmasy 2026 jylǵa negizgi kapitalǵa salynatyn investitsiia kólemin bekitý úshin usynys berińizder.
Investorlarǵa qolaily jaǵdai jasaýda arnaiy ekonomikalyq aimaqtyń mańyzy zor. Jańadan qolǵa alynǵan jobalardy kúndelikti baqylaýda ustap, súiemeldeý qajet.
2025-2027 jyldarǵa arnalǵan agroónerkásip keshenine investitsiia tartý jol kartasyna engizilgen jobalardyń ýaqytyly júzege asyrylýyn qamtamasyz etińizder.
Aýyl sharýashylyǵy maqsatyndaǵy jerlerdi memleket menshigine qaitarýda oblysqa bekitilgen mejeni 100 paiyz oryndaý qajet. Sý resýrstarynyń biryńǵai platformasyn jasaý jumystaryn pysyqtańyzdar. Sý únemdeý tehnologiialaryn qoldanýdy ulǵaitýǵa bólingen qarjyny maqsatty, merziminde igerýdi tapsyramyn.
Oblys aýmaǵynan ótetin jol qurylysy jumystarynyń ýaqytyly bastalýyn baqylaýǵa alyńyzdar. Salynyp jatqan, aldaǵy ýaqytta salynatyn nysandardyń qurylysyn «E-Qurylys» aqparattyq platformasy arqyly júrgizý kerek.
Túrli qarjy institýttary arqyly jobalardy súiemeldeý, iri kásiporyndar ainalasynda shaǵyn jáne orta kásiporyndardy damytýdy jalǵastyrý – óte mańyzdy jumys.
Joldaýda aitylǵan máselelerdiń biri – memlekettiń ekonomikadaǵy úlesin azaitý. Bul oraida naqty usynystar engizińizder.
Memleket basshymyz Joldaýda áleýmettik kómekti tek shyn muqtajdarǵa baǵyttaýdy tapsyrdy. Bul jumystardy zań aiasynda jalǵastyrýdy tapsyramyn», – dedi N.Nálibaev.
Jiynda patriotizm uǵymynyń jańa sipaty, jastar úshin jasampazdyq pen jańashyldyqty otanshyldyqtyń basty kórsetkishine ainaldyrý týraly Senatorlar keńesiniń múshesi, Qyzylorda oblysynyń qurmetti azamaty Murat Baqtiiaruly, óńirge investitsiia tartý jaiynda oblys ákiminiń orynbasary Ardaq Zebeshev, sý máselesin sheshýde atqarylǵan jumystar týraly Y. Jaqaev atyndaǵy Qazaq kúrish ǵylymi-zertteý institýtynyń direktory Sultanbek Táýipbaev sóz sóiledi.
Sondai-aq, «Abzal i K» JShS kommertsiialyq direktory Saǵidýlla Syzdyqov agroónerkásip salasyn, agrohabtardy damytý, salany tsifrlandyrý, ónimderdi tereń óńdeý týraly, Qorqyt Ata atyndaǵy Qyzylorda ýniversiteti rektorynyń mindetin atqarýshy Mainur Bóribaeva tsifrlandyrý, jasandy intellekt baǵytyndaǵy jumystar men mindetter týraly baiandama jasady.
Ulttyq dástúrlerdi dáripteý, jastardy rýhani qoldap, baǵyt-baǵdar berý jaiynda «Qoǵam TV» telearnasynyń quryltaishysy, Qazaqstan Jazýshylar jáne Jýrnalister odaǵynyń múshesi Shakizada Ábdikárimov óz oiyn ortaǵa saldy.
