Memleket basshysy bul meiramnyń el úshin erekshe mańyzǵa ie ekenin atap ótti,- dep habarlaidy Dalanews.kz
"Qurmetti otandastar! Qazaqstan halqynyń birligi merekesi qutty bolsyn! Bul – memleketimiz úshin airyqsha máni bar meiram. Jurtymyz ortaq qundylyqtarǵa negizdelgen jasampaz maqsattarǵa jetý jolynda bar kúsh-jigerin jumyldyryp, bolashaqqa senimmen qadam basyp keledi. Keń baitaq jerimizde túrli etnos ókilderi ózara kelisimde, tatý-tátti ómir súrip jatyr", - dedi Prezident.
Ol biyl Qazaqstan halqy Assambleiasynyń qurylǵanyna 30 jyl tolǵanyn jáne osy biregei uiym áýel bastan elimizdegi beibitshilik pen tatýlyqtyń jarshysyna ainalǵanyn atap ótti.
"Assambleia azamattarymyzdyń ózara qurmeti men yrysty yntymaǵyna súienip, ultty uiystyrýǵa eleýli úles qosyp keledi. Halqymyzdyń aýyzbirshiligi men tileýlestiginiń arqasynda memleketimiz damyp, qolǵa alynǵan aýqymdy reformalar tabysty júzege asyryla beredi. Elimiz teńdikke, ózara senimge jáne mádeni áralýandylyqtyń jasampaz áleýetine arqa súiep, el birligin odan ári nyǵaita túsedi. Biz jurt bolyp jumyla bilsek, kez-kelgen synaqty eńserip, biik belesterdi baǵyndyramyz. Ultymyzdyń arman-muraty – Ádiletti ári Qýatty Qazaqstandy birge quramyz. Barshańyzǵa baq-bereke tileimin! Birligimiz bekem, aspanymyz ashyq bolsyn!", - dedi Qasym-Jomart Toqaev.
