Tanymal kásipker Keńes Raqyshev áleýmettik jelide ákesinen qalǵan kólik týraly áserli esteligimen bólisti, dep habarlaidy dalanews.kz.
Kásipkerdiń aitýynsha, el arasynda «shoha» atalyp ketken kólik ákesi tarapynan 1994 jyly satyp alynǵan. Al 1997 jyly, ózi 18 jasqa tolǵanda, ákesi batasyn berip, kólikti syiǵa tartqan.
«Bul jai ǵana kólik emes. Bul – ákemniń kózi. 1994 jyly ákem el arasynda “shoha” atalyp ketken osy kólikti satyp alǵan edi. Al 1997 jyly men 18 jasqa tolǵanda batasyn berip, osy kólikti maǵan syiǵa tartty», – dep jazdy ol.
Keńes Raqyshev alǵash rólge otyrǵan sáti áli kúnge deiin esinde qalǵanyn aitty. Onyń sózinshe, dál osy kólikpen alǵash ret jubaiy Áseldiń aldyna da barǵan.
«Róline alǵash otyrǵan sátim áli kúnge deiin esimde. Eń alǵash osy mashinamen Áseldiń aldyna maqtanyp barǵanym da kóz aldymda. Sondyqtan bul kóliktiń quny men úshin óte qymbat», – dedi kásipker.
Ol jyldar óte túrli kólik mingenin, alaida ákesinen qalǵan bul avtokóliktiń orny bólek ekenin atap ótti.
«Keide sharshaǵan sátte róline otyryp, ótken kúnderimdi eske alamyn. Mashinanyń ishinen ákemniń iisi shyǵatyndai seziledi», – dep jazdy Keńes Raqyshev.
