Áleýmettik jelide Almaty kósheleriniń birinde qolyna pyshaq ustap júrgen er adamnyń videosy tarady. Kýágerlerdiń aitýynsha, ol kóshedegi turǵyndarǵa tiisken, dep habarlaidy dalanews.kz.
Oqiǵa Bostandyq aýdanynda bolǵan.
Almaty Politsiia departamenti bul jaǵdaiǵa bailanysty tekseris bastalǵanyn málimdedi. Qazir er adam anyqtalǵan, ony ustaý boiynsha jedel sharalar júrgizilip jatyr.
"Mundai áreketter qoǵamdyq qaýipsizdikke qater tóndiredi. Onyń áreketine qandai sebep bolsa da, zań aiasynda tiisti baǵa beriledi", - dedi Politsiia departamentiniń baspasóz qyzmeti ókili.
Politsiia kúdikti zańǵa sáikes jaýapqa tartylatynyn aitty.
