Prodiýser Baian Alagózova kópshilik arasynda jyldar boiy aitylyp kele jatqan ápkesi Baǵym Maqsatqyzy men KeshYou tobynyń burynǵy ánshisi Móldir Áýelbekovaǵa qatysty daýǵa alǵash ret ashyq pikir bildirdi, dep habarlaidy dalanews.kz.
Onyń sózinshe, bul jaǵdai ýaqyt ótse de Baǵym Maqsatqyzynyń jadynan óshpegen, otbasyna aýyr tigen oqiǵalardyń biri bolǵan. Baian Alagózova naqty esimderdi ashyp aitpaǵanymen, buǵan deiin bul janjaldyń Móldir Áýelbekovamen bailanysty ekenin meńzegen edi. Aitýynsha, Baǵym ony ózine jaqyn tartyp, shákirti ári senimdi adamy retinde qabyldaǵan.
Baǵym Maqsatqyzy da 2017 jyly bergen suhbatynda sol kezeńniń ómirindegi eń aýyr sátterdiń biri bolǵanyn jasyrmaǵan. Onyń aitýynsha, osy oqiǵadan keiin ol jubaiynan tórt jyl boiy bólek turǵan.
"Bul keshirilmeitin, adamshylyqqa jat áreket boldy. Qazir otbasymyzda bári jaqsy. Biraq keibir nárseni umytý múmkin emes. Men Qudai emespin, bárin keshire almaimyn", – degen edi Baǵym Maqsatqyzy.
Baian Alagózovanyń aitýynsha, arada qansha jyl ótse de, mundai jaǵdai adamnyń júreginde iz qaldyrady. Ol ápkesiniń sol kezde úlken kúizelisti bastan keshkenin aityp, bul oqiǵanyń otbasylyq ómirge de, jaqyn adamdarǵa degen senimge de áser etkenin jetkizdi.
