Nuráli Áliev áleýmettik jelidegi paraqshasynda ishki ózgeris, rýhani tazarý jáne sanaly ómir súrý týraly jazba jariialady, dep habarlaidy dalanews.kz.
Ol qazirgi ýaqytty adamnyń ózin keiinge qaldyrmai, ishki jan dúniesine nazar aýdaratyn kezeń dep sipattady. Álievtiń aitýynsha, adam endi burynǵydai ómirdi avtomatty túrde súre almaidy, sebebi álem de, adamdardyń ishki kúii de ózgerip jatyr.
Nuráli Áliev buryn elenbei kelgen qorqynysh, ókpe, ashý, qyzǵanysh pen ishki beibereket oilar adamnyń boiynda izsiz qalmaitynyn jazdy. Sondyqtan ol ár adam óz oiyna, nietine, júreginiń tazalyǵyna jáne ishki energiiasyna muqiiat qaraýy kerek ekenin atap ótti.
"Eger ishińizde ózgeriske degen úndi sezseńiz, ony elemeńiz. Bul kezdeisoq emes. Bul – janyńyzdyń óz bolmysyńyzdy eske salýy", – degen oi aitty ol.
Sondai-aq Áliev ózgeristi birden úlken qadamnan emes, qarapaiym áreketterden bastaýǵa shaqyrdy. Onyń sózinshe, adam óz oiyn baqylap, ainalasyn rettep, renishten arylyp, qorqynyshty kúsheitpeýge jáne ózin damytýǵa mán berýi qajet.
"Jańa álem syrtta emes, adamnyń óz ishinen bastalady. Ishki ózgeristi neǵurlym erte bastasańyz, qazirgi bolyp jatqan protsesterden soǵurlym jeńil ótesiz", – dep jazdy ol.
Aita keteiik, Nuráli Áliev – Qazaqstannyń burynǵy prezidenti Nursultan Nazarbaevtyń jien nemeresi.
