Ánshi Rústem Júginisov sotqa tartyldy, dep habarlaidy Dalanews.kz.
Astanadaǵy mamandandyrylǵan aýdanaralyq ákimshilik quqyqbuzýshylyqtar jónindegi sottyń kestesinde ánshi Rústem Júginisovtiń (Miras Júginisovtiń aǵasy) isi paida boldy.
Sotta tamyz aiynan beri ákimshilik is qaralyp kele eatqany belgili boldy. Sot qujattaryna sáikes, ánshi Ákimshilik kodekstiń 453-babynyń 2-bóligi boiynsha jaýapqa tartylǵan. Bul bap Qazaqstan aýmaǵynda konstitýtsiialyq qurylysty kúshpen ózgertýge, eldiń tutastyǵyn buzýǵa, memlekettiń qaýipsizdigine nuqsan keltirýge, soǵysqa, áleýmettik, násildik, ulttyq, dini alaýyzdyqty qozdyrýǵa, ekstremizm men terrorizmdi nasihattaýǵa baǵyttalǵan materialdardy taratýǵa qatysty.
Atalǵan quqyqbuzýshylyq úshin jeke tulǵalarǵa 20 AEK (78 640 teńge) aiyppul salý qarastyrylǵan.
Ánshiniń qai sózi is qozǵaýǵa negiz bolǵany ázirge belgisiz. Bul týraly sottan naqtylaý suraldy.
Alaida boljam boiynsha, is Aqtóbedegi meshitte bolǵan oqiǵaǵa ánshiniń reaktsiiasyna bailanysty bolýy múmkin. Buǵan deiin áleýmettik jelide beinejazba jariialanyp, onda er adam qyzǵa «bir rettik nikiah» usynyp, shyn máninde intimdik qatynasqa shaqyrǵany kórsetilgen.
Júginisov sol kezde qyzdy arandatýshylyq jasady dep aiyptap, bylai degen:
"Qyzdar, mundai jaǵdaiǵa sebep bermeńizder. Jalǵyz júrmeńizder. Áiel úshin meshit – ol úii. Namazdy úide oqyńyzdar. Namazdan keiin keshkisin qydyrmańyzdar. Múmkin, óz minez-qulqyńyzben er izdep júrgendei áser qaldyryp jatqan shyǵarsyzdar", – degen edi ol.
Sonymen qatar ánshi qyzdyń meshitke jalǵyz emes, ákesiniń ne baýyrynyń erip barýy kerektigin de aitqan.
