ءانشى رۇستەم جۇگىنىسوۆ سوتقا تارتىلدى، دەپ حابارلايدى Dalanews.kz.
استاناداعى مامانداندىرىلعان اۋدانارالىق اكىمشىلىك قۇقىقبۇزۋشىلىقتار جونىندەگى سوتتىڭ كەستەسىندە ءانشى رۇستەم جۇگىنىسوۆتىڭ (ميراس جۇگىنىسوۆتىڭ اعاسى) ءىسى پايدا بولدى.
سوتتا تامىز ايىنان بەرى اكىمشىلىك ءىس قارالىپ كەلە ەاتقانى بەلگىلى بولدى. سوت قۇجاتتارىنا سايكەس، ءانشى اكىمشىلىك كودەكستىڭ 453-بابىنىڭ 2-بولىگى بويىنشا جاۋاپقا تارتىلعان. بۇل باپ قازاقستان اۋماعىندا كونستيتۋسيالىق قۇرىلىستى كۇشپەن وزگەرتۋگە، ەلدىڭ تۇتاستىعىن بۇزۋعا، مەملەكەتتىڭ قاۋىپسىزدىگىنە نۇقسان كەلتىرۋگە، سوعىسقا، الەۋمەتتىك، ناسىلدىك، ۇلتتىق، ءدىني الاۋىزدىقتى قوزدىرۋعا، ەكسترەميزم مەن تەرروريزمدى ناسيحاتتاۋعا باعىتتالعان ماتەريالداردى تاراتۋعا قاتىستى.
اتالعان قۇقىقبۇزۋشىلىق ءۇشىن جەكە تۇلعالارعا 20 اەك (78 640 تەڭگە) ايىپپۇل سالۋ قاراستىرىلعان.
ءانشىنىڭ قاي ءسوزى ءىس قوزعاۋعا نەگىز بولعانى ازىرگە بەلگىسىز. بۇل تۋرالى سوتتان ناقتىلاۋ سۇرالدى.
الايدا بولجام بويىنشا، ءىس اقتوبەدەگى مەشىتتە بولعان وقيعاعا ءانشىنىڭ رەاكسياسىنا بايلانىستى بولۋى مۇمكىن. بۇعان دەيىن الەۋمەتتىك جەلىدە بەينەجازبا جاريالانىپ، وندا ەر ادام قىزعا «ءبىر رەتتىك نيكياح» ۇسىنىپ، شىن مانىندە ينتيمدىك قاتىناسقا شاقىرعانى كورسەتىلگەن.
جۇگىنىسوۆ سول كەزدە قىزدى ارانداتۋشىلىق جاسادى دەپ ايىپتاپ، بىلاي دەگەن:
"قىزدار، مۇنداي جاعدايعا سەبەپ بەرمەڭىزدەر. جالعىز جۇرمەڭىزدەر. ايەل ءۇشىن مەشىت – ول ءۇيى. نامازدى ۇيدە وقىڭىزدار. نامازدان كەيىن كەشكىسىن قىدىرماڭىزدار. مۇمكىن، ءوز مىنەز-قۇلقىڭىزبەن ەر ىزدەپ جۇرگەندەي اسەر قالدىرىپ جاتقان شىعارسىزدار"، – دەگەن ەدى ول.
سونىمەن قاتار ءانشى قىزدىڭ مەشىتكە جالعىز ەمەس، اكەسىنىڭ نە باۋىرىنىڭ ەرىپ بارۋى كەرەكتىگىن دە ايتقان.
