Depýtat Ardaq Nazarov anasyn nege Májilis otyrysynda quttyqtaǵanyn túsindirdi,- dep habarlaidy Dalanews.kz.
Depýtat daýly jaǵdaidan keiin áleýmettik jelide jazba jariialady.
"Anasyn týǵan kúnimen quttyqtady dep daýryǵyp jatqan jandarǵa jol bolsyn. Keshe ǵana ákesin qan-josa etip tepkilep, boqtaǵan videony barshańyz kórdińizder. Bul qabyrǵamyzdy qaqyratyp, júregimizdi syzdatty. Ony kórgen jas urpaq erteń ony qaitalamasyna kim kepil? Eń aýyry bul beinejazbaǵa túsken bir ǵana oqiǵa. Shyn máninde urpaǵym úshin dep ǵumyr keshken qanshama áke jetesiz uldarynyń qolynan qaza tapqanyn estip te júrmiz", - dedi ol.
Onyń aitýynsha, osyndai oqiǵadan keiin jastarǵa oi salmaq bolǵan.
"Dál osyndai sátte elge oi salsaq, óskeleń urpaqqa sabaq bolsa degen nietpen biik minberden biik anaǵa degen qurmetimdi jetkizgim keldi. Másele Parlament tórinde quttyqtaǵanymda emes. Másele qaida júrseń de, qandai qyzmet atqarsań da, meili kim bolsań da ata-anańdy qurmetteýdi umytpaýda", - dedi ol.
Eske salaiyq, Ardaq Nazarov anasynyń 70 jyldyq mereitoiy ekenin aityp,sózin tilekten bastady.
"Qadirli anashym, sizdi týǵan kúnińizben shyn júrekten quttyqtaimyn. Sizdiń meiirimge toly júregińizge, júzińizden tógilgen nurǵa shomylyp óstim. Anashym, áketaiym ekeýińiz máńgi birge bolyp, nemerelerińizdiń qyzyǵyn kórińizder. Sizdi qatty jaqsy kóremin, sizdiń aldyńyzda basymdy iemin", - dedi ol.
Jeli qoldanýshylary depýtattyń bul áreketine narazylyq tanytyp, "Májilisti oiynshyqqa ainaldyrdyńdar" dep te synady.
