2025 jyly 15 qyrkúiekten 31 qazanǵa deiin Almatyda «Taza Qazaqstan» jalpyrespýblikalyq baǵdarlamasy aiasynda deratizatsiianyń ekinshi kezeńi ótkiziledi. Barlyq segiz aýdandy qamtyǵan shara kemirgishterdi joiýǵa jáne olardyń paida bolýynyń aldyn alýǵa baǵyttalǵan,- dep habarlaidy Dalanews.kz
Dárileý jumystary 47 myń gektardan astam aýmaqta júrgiziledi. Onyń ishinde ózen jaǵalaýlary, sý aidyndary, jeke turǵyn úilerdiń jer telimderi bar. Jeke sektor turǵyndaryna qoldaný jónindegi nusqaýlyqpen birge ýlaǵysh jem tegin beriledi.
Almatyda deratizatsiia jylyna eki ret – kóktemde jáne kúzde júrgiziledi. Mundai keshendi sharalar kemirgishter sanyn tiimdi baqylaýǵa jáne olardyń taralý qaýpin azaitýǵa múmkindik beredi.
Sharalardy ótkizý kestesi aýa raiyna bailanysty ózgerýi múmkin.
Almaty qalasy Kommýnaldyq infraqurylym jáne turǵyn úi inspektsiiasy basqarmasy óz kezeginde zańdy tulǵalarǵa, PIK, MIB jáne QS-ke qarasty aýmaqtarda jáne qoqys konteiner alańdarynda deratizatsiia jumystaryn jalpyqalalyq deratizatsiiamen birge uiymdastyrýdy suraidy.
