Búgin Túrkistan oblysy ákiminiń birinshi orynbasary Zulpyhar Joldasov Qytaidyń Gýandýn provintsiiasynyń naryqty retteý ákimshiligi jáne Gýandýn-Gonkong-Makao Úlken shyǵanaǵy aimaǵynyń sertifikattaý ortalyǵynyń ókilderimen iskerlik kezdesý ótkizdi,- dep habarlaidy Dalanews.kz
Basqosýda taraptar aýyl sharýashylyǵy, ónerkásip, qurylys jáne qyzmet kórsetý salalaryndaǵy yntymaqtastyq múmkindikterin qarastyrdy. Sonymen qatar Gýandýn-Gonkong-Makao Úlken shyǵanaǵy aimaǵynyń sertifikattaý jobasy keńinen tanystyrylyp, arnaiy platforma qurý, óndiristik yntymaqtastyqty damytý máseleleri sóz boldy.
Oblys ákiminiń birinshi orynbasary óńirdiń invsetitsiialyq jáne týristik áleýetin tanystyryp, birlese jumys isteýge ashyq ekenin jetkizdi.
– Túrkistan oblysynda ónerkásiptiń belsendi damýyna yqpal etetin qolaily investitsiialyq ahýal qalyptasqan. Investorlar úshin 4 myń gektar aýmaqta ornalasqan «TURAN» arnaiy ekonomikalyq aimaǵy jáne 20 indýstriialyq aimaǵy bar. «TURAN» AEA qatysýshylaryna jeńildikter qarastylady. Ákimdik tarapynan «Bir tereze» qaǵidasy aiasynda tolyq súiemeldeý jumystaryn júrgizemiz. Iri jobalarǵa injenerlik infraqurylym tartýǵa, jer telimin tańdaýǵa, jobany ilgeriletýge tikelei kómek kórsetemiz. Biz Túrkistan oblysy men Qytai eliniń investorlary arasyndaǵy yntymaqtastyqty tereńdetýge, sondai-aq jańa birlesken jobalardy iske asyrýǵa daiynbyz, – dedi Zulpyhar Joldasov.
Gýandýn-Gonkong-Makao Úlken shyǵanaǵy aimaǵynyń sertifikattaý jobasy QHR Memlekettik naryqty qadaǵalaý basqarmasy men Gýandýn-Gonkong-Makao aimaǵynyń tiisti mekemeleriniń jetekshiligimen júzege asyrylady. Bul qadam jergilikti ónimderge Gýandýn-Gonkong-Makao naryǵyna shyǵýǵa, brend bedelin arttyrýǵa jáne tutynýshylardyń keń aýqymyn qamtýǵa múmkindik beredi. Jobaǵa úsh aimaqtyń sertifikattaý uiymdary men naryq sýbektileri qatysady. Ol aýyl sharýashylyǵy ónimderi, ónerkásiptik tutyný taýarlary, jasyl qurylys materialdary jáne qyzmet kórsetý salalaryn qamtidy. Negizgi maqsat – ónim men qyzmet sapasyn arttyrý, óńirlik naryqtaǵy ózara taný men yqpaldasýdy damytý.
Qytailyq tarap Túrkistan óńiriniń investitsiialyq múmkindikterin joǵary baǵalap, birlesken jobalardy júzege asyrýǵa qyzyǵýshylyq tanytyp otyr. Qytaida tabiǵi ónimderge suranystyń joǵary ekenin atap ótip, Túrkistan ónimderin qytailyq jáne kórshiles naryqtarǵa shyǵarýǵa yqpal etýge daiyn ekenin jetkizdi. Qytaidyń provintsiialarynda biznes forýmdar uiymdastyrýǵa, áriptesterine óńirdiń múmkindikteri týraly aqparat berýge nietin bildirdi.
Sapar barysynda sheteldik biznes ókilderi Túrkistan oblysynda óndiriletin ónimdermen tanysty. Óndiristik parkterdi aralap, jumys barysyn baqylady.
