Elordada aǵymdaǵy jyldyń basynan beri tergeý izoliatoryna tyiym salynǵan zattardy alyp kirýge talpynǵan 9 jaǵdaidyń joly kesildi. Onyń ishinde 6 uialy telefon men 3 esirtki zaty tárkilengen,- dep habarlaidy Dalanews.kz
Solardyń biri – qoǵamdyq qorǵaýshy mártebesine ie er adamnyń áreketi. Ol qamaýda otyrǵan jubaiyna uialy telefon bermek bolǵan. Alaida mekeme qyzmetkerleri quqyq buzýshylyqtyń aldyn alyp, zańsyz áreketti der kezinde toqtatty. Nátijesinde ol ákimshilik jaýapkershilikke tartylyp, qorǵaýshy mártebesinen aiyryldy.
Prokýratýranyń málimetinshe, mundai áreketter úshin zańda qatań jaýaptylyq qarastyrylǵan. Ákimshilik quqyq buzýshylyq týraly kodekstiń 481-babyna sáikes, quqyq buzýshylarǵa 10 ailyq eseptik kórsetkishke deiin aiyppul salynady. Qaitalanǵan jaǵdaida – 30 táýlikke deiin ákimshilik qamaýǵa alynady.
Al eger tyiym salynǵan zat esirtki bolsa, Qylmystyq kodekstiń 297-baby qoldanylady. Ol úshin 20 jylǵa deiin bas bostandyǵynan aiyrý jazasy kózdelgen.
Astana qalasynyń prokýratýrasy azamattardy zańdy qatań saqtaýǵa shaqyryp, tergeý izoliatoryna tyiym salynǵan zattardy alyp kirýdiń jol berilmeitinin eskertti.
