Almatyda túsirilim kezinde 50 adamnyń kómirtek totyǵynan ýlanýyna vagon ishindegi qoldan jasalǵan jylytý júıesi sebep bolǵan, dep habarlaıdy Dala News.

Bul týraly kólik mınıstri Nurlan Saýranbaev málimdedi.

«Túsirilim júrgizgen kompanıa jeke vagonmen kelisim jasaǵan. Vagon ishinde sýyq bolǵandyqtan, olar jylytý júıesin ornatqan, alaıda ol qandaı da bir jolmen ishke kómirtek totyǵyn bólgen. Bul – tolyqtaı qoldan jasalǵan júıe. Qazir tergeý aıaqtalýǵa jaqyn, vagon ıeleri qatań jaýapkershilikke tartylady», – dedi mınıstr.

Onyń aıtýynsha, oqıǵadan keıin poıyz birden paıdalanýdan shyǵarylǵan.

«Bul jerde naqty zań buzýshylyq bar. Ýlaný faktisi dáleldengen, endi ony quqyqtyq turǵyda rásimdeý qajet», – dep atap ótti Saýranbaev.

Eske salsaq, 2025 jyldyń jeltoqsanynda Almatyda poıyzdaǵy túsirilim kezinde 50 adam ýlanǵan. Onyń ishinde eki bala jansaqtaý bólimine túsken, taǵy toǵyzy toksıkologıa bólimine jatqyzylǵan.