Eýropalyq Odaq engizgen jańa shekteýler aiasynda qazaqstandyq kompaniia men kásipker sanktsiialar tizimine endi, dep habarlaidy Dalanews.kz.
Shekteýge Almatyda tirkelgen United Trading Group kompaniiasy da ilikken. Kásiporyn 2022 jyldyń naýryz aiynda, Reseidiń Ýkrainaǵa qarsy soǵysy bastalǵannan keiin kóp uzamai qurylǵan.
Ashyq derekkózderdegi málimetke súiensek, kompaniia shtatynda bir ǵana qyzmetker bolǵan. Soǵan qaramastan, tórt jyl ishinde biýdjetke 111 mln teńgeden astam salyq tólegen.
Sonymen qatar jalǵyz qyzmetkerdiń jalaqysy eń tómengi deńgeide bolǵany aitylady. Onyń kólemi shamamen 85 myń teńgeni quraǵan.
Ázirge kompaniiaǵa jáne kásipkerge naqty qandai negizde sanktsiia salynǵany jóninde resmi túsindirme jariialanǵan joq.
Eske salaiyq, buǵan deiin Eýropalyq Odaq alǵash ret Qyrǵyzstanǵa Reseige janama qoldaý kórsetti degen sebeppen sanktsiia engizgeni habarlanǵan edi. Endi Qyrǵyzstanǵa Eýropadan birqatar strategiialyq mańyzy bar taýarlardy eksporttaýǵa tolyq tyiym salynady.
