ەۋروپالىق وداق ەنگٸزگەن جاڭا شەكتەۋلەر اياسىندا قازاقستاندىق كومپانييا مەن كەسٸپكەر سانكتسييالار تٸزٸمٸنە ەندٸ, دەپ حابارلايدى Dalanews.kz.
شەكتەۋگە الماتىدا تٸركەلگەن United Trading Group كومپانيياسى دا ٸلٸككەن. كەسٸپورىن 2022 جىلدىڭ ناۋرىز ايىندا, رەسەيدٸڭ ۋكرايناعا قارسى سوعىسى باستالعاننان كەيٸن كٶپ ۇزاماي قۇرىلعان.
اشىق دەرەككٶزدەردەگٸ مەلٸمەتكە سٷيەنسەك, كومپانييا شتاتىندا بٸر عانا قىزمەتكەر بولعان. سوعان قاراماستان, تٶرت جىل ٸشٸندە بيۋدجەتكە 111 ملن تەڭگەدەن استام سالىق تٶلەگەن.
سونىمەن قاتار جالعىز قىزمەتكەردٸڭ جالاقىسى ەڭ تٶمەنگٸ دەڭگەيدە بولعانى ايتىلادى. ونىڭ كٶلەمٸ شامامەن 85 مىڭ تەڭگەنٸ قۇراعان.
ەزٸرگە كومپانيياعا جەنە كەسٸپكەرگە ناقتى قانداي نەگٸزدە سانكتسييا سالىنعانى جٶنٸندە رەسمي تٷسٸندٸرمە جارييالانعان جوق.
ەسكە سالايىق, بۇعان دەيٸن ەۋروپالىق وداق العاش رەت قىرعىزستانعا رەسەيگە جاناما قولداۋ كٶرسەتتٸ دەگەن سەبەپپەن سانكتسييا ەنگٸزگەنٸ حابارلانعان ەدٸ. ەندٸ قىرعىزستانعا ەۋروپادان بٸرقاتار ستراتەگييالىق ماڭىزى بار تاۋارلاردى ەكسپورتتاۋعا تولىق تىيىم سالىنادى.
