Ulttyq bank bazalyq mólsherleme boiynsha qandai sheshim qabyldaǵany belgili boldy, dep habarlaidy Dalanews.kz.
Ulttyq banktiń Aqsha-kredit saiasaty komiteti bazalyq mólsherlemeni +/- 1 p.t. jyldyq 18,0% deńgeiinde belgileý týraly sheshim qabyldady.
Aita keteiik, naýryzda jyldyq infliatsiia 11%-ǵa deiin baiaýlaǵan (aqpanda 11,7%): azyq-túlik infliatsiiasy 11,7% (12,7%), azyq-túlikke jatpaityn infliatsiia 11,3% (11,6%), servistik infliatsiia 10,0% (10,8%) bolǵan. Infliatsiia baiaýlaýyna birqalypty qatań aqsha-kredit sharttary, aiyrbas baǵamynyń qolaily serpini, tutynýshylyq kredit qarqyny baiaýlaýy aiasynda tutynýshylyq suranys turaqtaýy, sondai-aq, TKQ men JJM baǵasyn ósirýge qoiylǵan moratorii men Úkimettiń basqa da infliatsiiaǵa qarsy sharalary septigin tigizgen.
Bazalyq mólsherleme boiynsha kezekti sheshim 5 maýsymda saǵat 12:00-de jariialanady.
Bazalyq mólsherleme degenimiz ne jáne ol nelikten mańyzdy?
Bazalyq mólsherleme – Ulttyq bank belgileitin negizgi paiyzdyq kórsetkish. Ol arqyly bank sektorynyń jalpy baǵyty aiqyndalyp, eldegi nesie men infliatsiia deńgeiine áser etedi. Bul kórsetkish boiynsha Ulttyq bank kommertsiialyq uiymdarǵa qysqa merzimdi nesie beredi jáne olardyń qarajatyn depozit retinde qabyldaidy.
Qarapaiym tilmen aitqanda, bazalyq mólsherleme – el ekonomikasynyń "baǵdarshamy". Eger ony kóterse, nesie alý qymbattaidy, al túsirse kerisinshe arzan nesie alý múmkindigi artady. Osylaisha, Ulttyq bank osy tetik arqyly aqsha ainalymyn rettep, baǵa turaqtylyǵyn saqtaýǵa tyrysady.
