ۇلتتىق بانك بازالىق مٶلشەرلەمە بويىنشا قانداي شەشٸم قابىلداعانى بەلگٸلٸ بولدى, دەپ حابارلايدى Dalanews.kz.
ۇلتتىق بانكتٸڭ اقشا-كرەديت ساياساتى كوميتەتٸ بازالىق مٶلشەرلەمەنٸ +/- 1 پ.ت. جىلدىق 18,0% دەڭگەيٸندە بەلگٸلەۋ تۋرالى شەشٸم قابىلدادى.
ايتا كەتەيٸك, ناۋرىزدا جىلدىق ينفلياتسييا 11%-عا دەيٸن باياۋلاعان (اقپاندا 11,7%): ازىق-تٷلٸك ينفلياتسيياسى 11,7% (12,7%), ازىق-تٷلٸككە جاتپايتىن ينفلياتسييا 11,3% (11,6%), سەرۆيستٸك ينفلياتسييا 10,0% (10,8%) بولعان. ينفلياتسييا باياۋلاۋىنا بٸرقالىپتى قاتاڭ اقشا-كرەديت شارتتارى, ايىرباس باعامىنىڭ قولايلى سەرپٸنٸ, تۇتىنۋشىلىق كرەديت قارقىنى باياۋلاۋى اياسىندا تۇتىنۋشىلىق سۇرانىس تۇراقتاۋى, سونداي-اق, تكق مەن ججم باعاسىن ٶسٸرۋگە قويىلعان موراتوريي مەن ٷكٸمەتتٸڭ باسقا دا ينفلياتسيياعا قارسى شارالارى سەپتٸگٸن تيگٸزگەن.
بازالىق مٶلشەرلەمە بويىنشا كەزەكتٸ شەشٸم 5 ماۋسىمدا ساعات 12:00-دە جارييالانادى.
بازالىق مٶلشەرلەمە دەگەنٸمٸز نە جەنە ول نەلٸكتەن ماڭىزدى?
بازالىق مٶلشەرلەمە – ۇلتتىق بانك بەلگٸلەيتٸن نەگٸزگٸ پايىزدىق كٶرسەتكٸش. ول ارقىلى بانك سەكتورىنىڭ جالپى باعىتى ايقىندالىپ, ەلدەگٸ نەسيە مەن ينفلياتسييا دەڭگەيٸنە ەسەر ەتەدٸ. بۇل كٶرسەتكٸش بويىنشا ۇلتتىق بانك كوممەرتسييالىق ۇيىمدارعا قىسقا مەرزٸمدٸ نەسيە بەرەدٸ جەنە ولاردىڭ قاراجاتىن دەپوزيت رەتٸندە قابىلدايدى.
قاراپايىم تٸلمەن ايتقاندا, بازالىق مٶلشەرلەمە – ەل ەكونوميكاسىنىڭ "باعدارشامى". ەگەر ونى كٶتەرسە, نەسيە الۋ قىمباتتايدى, ال تٷسٸرسە كەرٸسٸنشە ارزان نەسيە الۋ مٷمكٸندٸگٸ ارتادى. وسىلايشا, ۇلتتىق بانك وسى تەتٸك ارقىلى اقشا اينالىمىن رەتتەپ, باعا تۇراقتىلىعىن ساقتاۋعا تىرىسادى.
